Popular Bible Verses from Smart Guys 20

Share

Wen somebody do someting bad to you, No go tink, “I goin pay um back!” Jus wait fo Da One In Charge do someting. He goin help take kea you.

Da One In Charge, Az da One give erybody Da kine life dey goin live. But fo shua, nobody know How dey goin get dea.

Da One In Charge use da spirit he put inside us Jalike az one lamp. He know eryting us guys tink, An no miss notting inside us.

Wen one guy make one plan fo do someting, Hard fo tink wat da guy like do, Cuz his manao, jalike deep watta. But da kine guy dat undastan plenny, He goin know wat da odda guy stay plan, Jalike he pull up watta outa one deep well.

Anybody go aroun an talk any kine bout odda peopo, Dey tell all kine stuff dey not suppose to tell. Az why, no go hang out wit da kine guys Dat no can shut dea mout.

Whoeva no talk wen somebody like beef, Peopo goin show respeck fo dem. But all da kine peopo dat do bad kine stuff an no bodda dem, Dey buckaloose an bus up peopo.

Da kine guy dat do da right ting erytime An live so nobody poin finga him, His kids goin stay good inside, Even afta dea faddah mahke.