Popular Bible Verses from Smart Guys 19

Share

You can make plenny plan inside yoa head. But da plan dat Da One In Charge make fo you, Dass wass goin happen fo shua.

You do good kine stuff Fo da peopo dat no mo notting, Jalike you stay lend stuff to Da One In Charge. An Da One In Charge goin pay you back wit good kine stuff Fo wat you do.

Wen you tink az good fo know how come tings happen, You no goin come huhu real quick. An if somebody go agains you An dat no goin bodda you, Plenny peopo goin respeck you!

Lissen up wen peopo tell you Wass good fo you do. An lissen wen dey tell you How fo do da right ting, Cuz If you do dat, den bumbye You goin know wat fo do erytime.

If you feel jalike you sked wen you in front Da One In Charge, Den you goin get one good kine life! You goin feel jalike eryting goin be okay, An no way you goin get trouble.

Anybody learn how fo tink good, Fo shua dey goin take good kea dea life, An live long time. Anybody try hard fo undastan wass happening, Eryting goin come good fo dem, fo shua.

Punish yoa kids wen you gotta, Wen still get chance fo teach um. But no tink az all you gotta do, Cuz if you ony punish yoa kids, Bumbye goin make dem mahke inside.

Da kine guy dat bulai in front da judge, Fo shua, da judge goin punish him! Da kine guy dat bulai erytime he open his mout, He goin come wipe out!