Popular Bible Verses from Smart Guys 18

Share

Da tings peopo tell Get da powa fo kill odda peopo, O fo make um come alive. Da kine peopo dat like fo talk plenny, Wateva dey tell, goin come back to dem.

Wen da peopo dat stay do wass right Know fo shua, wat kine god Da One In Charge, Den Da One In Charge goin take kea dem. Jalike Da One In Charge one strong towa fo dem Wea dey can run inside fo hide.

One guy dat tink he get plenny frenz Can get wipe out real fas. But get anodda kine fren dat love you An stay mo tight wit you den yoa braddah.

If you find one wife, an she good fo you, Az jalike you get one nice present from Da One In Charge.

Anybody open dea mout befo dey hear eryting, Dis jalike dey go all out fo do stupid kine stuff, An nobody goin get respeck fo dem.

Same ting, da kine guy dat tink he know eryting But he donno notting, He no like bodda fo undastan stuff. He ony like talk bout wat he tink.

Wen one guy tink he too good fo erybody, Real fas, he goin come wipe out. Wen one guy no ack high makamaka, Real fas, peopo goin get respeck fo him.