Popular Bible Verses from COLOSENSES 3

Share

Guieedniede to samiech to, ni zeeṉe cho zha ruṉ pe tib falt lo to, goḻguṉ zho perdon. Goḻguieṉ gaṉle zha beeṉ Dios to perdon; scaque to, none guṉ to samiech to perdon.

Grë guieḻnzaac ne no gbaa miṉ co goḻconie guic to, led grëd ncuaaṉe no lo guidzliu rii

Grëse dziin ne guṉ to, iṉe nguieeḻ goḻgac goḻguṉa, zig nac zeeṉe xtsiiṉzhal Dios noyuṉ to.

Goḻgaṉ gaṉle, zha nquialadztaa Dios to, ib laa me ble to gac to miech ne ygab xnëz me. Zaacse sca goḻban, ne nlipaa dib zdoo to: goḻquia zdoo samiech to, niowse goḻgac lo samiech to, ndooladz goḻgac lo samiech to, nguudzladz goḻgac lo samiech to, guieedniede to samiech to.

Niapse miṉe nac Xtiidz Jesús goḻconie guic to, goḻco zdoo to. Goḻquiin grë guieḻbiini ne rneedz me lo to, goḻseed grë zha ne nacgrë to, ni zha ne rxiṉ, goḻnee lo zho zaacse gac zho. Dib zdoo to goḻdeed xquizh lo Dios por grëtaa miṉe ruṉ me, iṉe goḻgooḻnie me grë salm, goḻgooḻnie me grë cant ne rdziooḻnie ne me. Ncuaaṉe guṉtaa to, niicle zeeṉe gnee tow, zeeṉe guṉgaa to tib dziina, goḻguṉa zigne rdziladz Jesús, meṉ ne rnabey ne; ni tibaque goḻdeed xquizh lo Dios meṉ ne nac Pxoz to, niina ne laa to ngable lo Jesús.

Ni miṉe mazdraa none tsoxco to, goḻleynie zha ne nacgrë to zigne racladz Dios, zeeṉa tipse gac to; ni scagaa gleynie to grëraa samiech to.

Goḻguieṉ gaṉle, stible guieḻmban rap to niina, lëë guieḻmban co bgaa to zeeṉe brieeban Jesús; gacxe waa, goḻtsoxco ygaa to grë guieḻnzaac ne no gbaa, zaatne zob Jesús cue Dios nëz derech.

Jesús nac meṉ ne ctiche grëtaa ncuaaṉe ndzinlid ne no zdoo to, zeeṉa niowse gbannie to samiech to. Lëë tib guieḻnzaac co no ygaa to ne laa Dios bredz to, ni scagaa none gban to, zeeṉa tipse gac to grë to. Goḻsoladz goḻdeed xquizh lo me.

Gacxe nana sca, goḻsaan grëtaa guieḻntseeb ne ruṉ miech lo guidzliu rii: tsoniede to zha ne led tsieelde to, guṉde to grë ncuaaṉe mbeeguieḻto, gdeete to diidz gnabey xcuerp to to, guṉde to ncuaaṉe ndzinlid ne racladz to, ni gacblëde to lo dimi (sac teḻ scaw, dzigo dimi rsaṉ to xlugar Dios).

sac goṉ, rrieequia gutle to lo grë ncuaaṉe no lo guidzliu rii, laa to mbanniele Jesús, zigne racladz Dios.

saṉgue niina, none csaan tow, ni lalnu: glëëniedraa to samiech to, sobzhiandraa to, guṉdraa to guieḻntseeb, gneenëdraa to samiech to, gneedraa to diidzguidz

yquidiedraa to samiech to. Sac goṉ, nacdraa to zigne nac to glo, laa to brieele lo grëtaa miṉe beeṉ to. Stible nac lo xquieḻmban to niina: tib miech cuble nac to, ni laa to bii nodzëë haxta que ne gac to zigne racladz Dios meṉ ne psaṉ miech, zeeṉa scagaa lozh guṉbey to zha nac me.

To ne nac to meṉ bgui ne ptsieelniale, goḻleynie tsieel to; gacnchogde to lo me.

To ne nac to mëëd, goḻgon miṉe rnee pxoz to, miṉe rnee xniaa to, sac sca rdziladz Dios.

To ne nac to meṉ wnaa ne ptsieelniale, goḻgon xtiidz tsieel to, sac ible sca nonguieḻ gban miech ne no xnëz Jesús.