Popular Bible Verses from Colosenses 3

Share

Sese quiꞌyaj chiꞌi̱i̱ tuviꞌ soj rihaan soj, ne̱ cara̱a̱ xꞌnaa ꞌo̱ ꞌo̱ soj rihaan tuviꞌ soj á. Da̱nj quiꞌyaj Síí ꞌNi̱j Raꞌa man níꞌ cheꞌé soj, tinavij soꞌ cacunꞌ tumé soj, ne̱ cheꞌé dan cara̱a̱ xꞌnaa soj rihaan tuviꞌ soj ado̱nj.

Dan me se nano̱ rá soj cheꞌé rasu̱u̱n ma̱n rej xta̱ꞌ, ne̱ se̱ nanó rá soj cheꞌé rasu̱u̱n ma̱n rihaan chumii̱ nihánj maꞌ.

Né riha̱a̱n yuvii̱ u̱u̱n ꞌyaj suun mozó maꞌ. Tana̱nj rihaan Síí ꞌNi̱j Raꞌa man níꞌ ꞌyaj suun soꞌ, ne̱ cheꞌé dan ꞌo̱ caꞌne̱j nimán soꞌ quiꞌya̱j suun uxrá soꞌ nu̱ꞌ suun vaa rihaan soꞌ, ne̱ se̱ naquiꞌyaj rmi̱i̱ soꞌ nimán soꞌ maꞌ.

Dan me se narii Yaꞌanj man soj canoco̱ꞌ soj man soꞌ, ne̱ cunuu sa̱ꞌ nimán soj rihaan Yaꞌanj, ne̱ ꞌe̱e̱ rá Yaꞌanj man soj, ne̱ cheꞌé dan cunu̱u ꞌe̱e̱ rá soj tuviꞌ soj chugua̱nj. Dan me se ga̱a̱ sa̱ꞌ nimán soj, ne̱ ga̱a̱ nica̱ꞌ nimán soj, ne̱ se̱ guun yuva̱a̱ soj man tuviꞌ soj maꞌ. Tana̱nj ga̱a̱ ina̱j nimán soj na̱nj á.

Cu̱nuû uxrá snana̱ Cristó nimán soj, ne̱ cavi̱i̱ nana̱ sa̱ꞌ cu̱u raa̱ soj, ne̱ tu̱cuꞌyón soj nana̱ sa̱ꞌ rihaan tuviꞌ soj, ne̱ nago̱ꞌ soj chrej sa̱ꞌ man tuviꞌ soj á. Cachra̱a̱ soj chraꞌ salmó do̱ꞌ, chraꞌ nataꞌ cheꞌé Yaꞌanj do̱ꞌ, chraꞌ rqué Nimán Yaꞌanj do̱ꞌ, ne̱ cata̱j soj guun niꞌya̱j níꞌ rihaan Yaꞌanj na̱nj á. Ne̱ quiꞌya̱j soj da̱j me rá Cristó quiꞌya̱j soj do̱ꞌ, caꞌmi̱i̱ soj do̱ꞌ, ne̱ ma̱an cheꞌé se‑chuvi̱i Jesús Si̱j ꞌNi̱j Raꞌa man níꞌ cata̱j soj guun niꞌya̱j níꞌ rihaan Rej níꞌ Yaꞌanj ado̱nj.

Nu̱ꞌ yoꞌ quiꞌya̱j soj, ne̱ vaa ꞌó se sa̱ꞌ doj quiꞌya̱j uún soj, ne̱ yoꞌ me se ga̱a̱ ꞌe̱e̱ ya̱ ya̱ rá soj tuviꞌ soj, ne̱ yoꞌ me quiꞌya̱j gu̱un xraan rcuaꞌa̱a̱n rá soj cuma̱n soj á.

Dan me se ase vaa cunuu iꞌna̱ꞌ uún Cristó roꞌ, da̱nj vaa cunuu sa̱ꞌ nimán soj, ne̱ canocoꞌ soj chrej sa̱ꞌ, quiꞌyaj Cristó a. Cheꞌé dan cheꞌé ina̱nj rasu̱u̱n ma̱n rej xta̱ꞌ nano̱ rá soj, ne̱ cuano̱ nihánj me se xꞌnúú Yaꞌanj rej nuva̱ꞌ Yaꞌanj yáán Cristó cuano̱ ado̱nj.

Ne̱ ga̱a̱ dínj nimán soj quiꞌya̱j Cristó a. Cheꞌé se me rá maꞌa̱n Yaꞌanj ga̱a̱ dínj nimán soj, cheꞌé dan narii Yaꞌanj man soj, ne̱ naquiꞌyaj rcuaꞌa̱a̱n soꞌ man nu̱ꞌ nij tinu̱j soj, ne̱ cheꞌé dan niga̱nj cata̱j soj guun niꞌya̱j níꞌ rihaan Yaꞌanj á.

Cheꞌé se síí noco̱ꞌ man Cristó si̱j ya̱nj rej xta̱ꞌ me soj roꞌ, cheꞌé dan yu̱u̱n cheꞌe̱ caꞌne̱ꞌ rá soj ga̱ suun ꞌyaj me maꞌa̱n se chiꞌi̱i̱ ꞌyaj nij síí noco̱ꞌ se‑chre̱j chumii̱ nihánj á. ꞌO̱ se se chiꞌi̱i̱ yoꞌ roꞌ, me se otoj níꞌ ga̱ ꞌó yuvii̱ sese né ni̱ca̱ níꞌ me yuvii̱ do̱ꞌ, se canique̱ do̱ꞌ, se nij niha̱ꞌ rmaꞌa̱n rá nee̱ man níꞌ quiꞌya̱j níꞌ do̱ꞌ, se chiꞌi̱i̱ me ndoꞌo rá níꞌ quiꞌya̱j níꞌ do̱ꞌ, se ꞌe̱e̱ rá saꞌanj do̱ꞌ a. ꞌO̱ se síí ꞌe̱e̱ rá saꞌanj roꞌ, da̱j se vaa síí aráj gue̱e̱ rihaan yaꞌanj quiꞌyaj yuvii̱ vaa soꞌ na̱nj á.

Dan me se a̱j caviꞌ soj rihaan chumii̱ nihánj vaa, ne̱ cuano̱ nihánj me se nu̱u̱ sa̱ꞌ nimán soj rej xta̱ꞌ rej ya̱nj Yaꞌanj, ꞌyaj Cristó a.

Tza̱j ne̱ cuano̱ nihánj me se se̱ quiꞌyaj nij soj da̱nj maꞌ. Se̱ cuyanj rá soj ne̱ se caꞌmaan rá soj maꞌ. Se̱ guun rá soj quiꞌya̱j chiꞌi̱i̱ soj man ꞌó yuvii̱ maꞌ. Se̱ caꞌmii soj nana̱ nij cheꞌé tuviꞌ soj maꞌ. Se̱ caꞌmii nachriꞌ soj ni̱ꞌyaj soj tuviꞌ soj maꞌ.

Se̱ caꞌmii ne̱ soj rihaan tuviꞌ soj maꞌ. Yoꞌ me se quiꞌyaj soj ga̱a ataa canoco̱ꞌ soj man Cristó, tza̱j ne̱ ya̱j me se cunuu sa̱ꞌ soj, ne̱ se̱ quiꞌyaj soj a̱ doj da̱nj a̱ maꞌ. Cunuu sa̱ꞌ nimán soj, quiꞌyaj Yaꞌanj, ne̱ cheꞌé dan sa̱ꞌ doj namán nana̱ sa̱ꞌ cu̱u raa̱ soj ꞌo̱ ꞌo̱ güii ado̱nj. Neꞌen soj se vaa Yaꞌanj me síí quiꞌyaj man nimán soj se naca̱, ne̱ ase vaa maꞌa̱n Yaꞌanj roꞌ, da̱nj ga̱a̱ uún nimán soj ado̱nj.

Ne̱ veꞌé ga̱a̱ ꞌe̱e̱ rá nij snóꞌo man nica̱ nij soꞌ á. Se̱ caxríj yuva̱a̱ nij snóꞌo man nica̱ nij soꞌ maꞌ. Se̱ quiꞌyaj qui̱j snóꞌo man noꞌ maꞌ.

Veꞌé cuno̱ nij xnii nu̱ꞌ nana̱ aꞌmii rej xnii ga̱ nii xnii uún, ne̱ gu̱un niha̱ꞌ rá Yaꞌanj Si̱j ꞌNi̱j Raꞌa man níꞌ ni̱ꞌyaj soꞌ man xnii veꞌé uno a.

Cata̱j xnaꞌanj ꞌu̱nj rihaan nij chana̱ vaa nica̱, se vaa veꞌé cuno̱ nij noꞌ rihaan nica̱ nij noꞌ á. Da̱nj vaa no̱ xcúún nij noꞌ quiꞌya̱j nij noꞌ, ese chana̱ noco̱ꞌ man Cristó Si̱j ꞌNi̱j Raꞌa man níꞌ me nij noꞌ a.