Popular Bible Verses from Colosenses 3

Share

Pwihsi ziꞌchi gulguiꞌhnn nasiin lastoꞌ tu ayi guidxyiꞌchinee tu lasaaꞌ tu sidela xalla rdiiꞌdxisuu dxyiꞌdxyi gulgasiaꞌldastoꞌ nin ruñihchi loh tu zigaza basiaꞌlda za stoꞌ Daada Jesucristu xtuhlda tu pwihsi ziꞌchi gulguiꞌhnn za cun nin ruñihchi loh tu

Niꞌchin nin nahpa cuu yihca tu xcweenta nin nahpa Dxiohs dxibaaꞌ, ayi xcweenta dxiꞌh nin nuu loh guihdxyiyuh

Loh garaa nin guunn tu gulguiꞌhnnan cun gaduhbistoꞌ tu ayi cun de mahla gahn dxiꞌh tin ziꞌchi guluuꞌyi cayuhnn tu dziꞌn nezloh Dxiohs ayi nezloh dxiꞌh bwiinn guihdxyiyuh.

Pwihsi Dxiohs nadziiꞌhi Ñiꞌh laꞌhtu nee gulii Ñiꞌh laꞌhtu tin gaca tu xpwiinn Ñiꞌh. Pwihsi niꞌchin gulguibahan ziga xclaaꞌdzi Dxiohs; gulgalahsastoꞌ tu lasaaꞌ tu, ayi gaca tu bwiinn nadxyiꞌchi, nee gulgahpaa mohda nadoꞌlaaꞌdzi cun gulgahca bwiinn nin nayuuldastoꞌ ñiꞌh nee gulgahpaa zirooꞌ paseensi laꞌh bwiinn lasaaꞌ tu cun cuun chiꞌhzi cohsa nin xclaaꞌdzi raꞌba guunnee raꞌba o guinaaba raꞌba loh tu.

Ziꞌchi xchiꞌdxyi Jesucristu guinaꞌzu dziꞌtsi xtulbaaꞌ ñiꞌh laꞌn lastoꞌ tu cun garaa guelnasiin, tin guluuꞌyi tu nee tin guuyidxyiꞌdxyinee lasaaꞌ tu ziga tuhbi ziga stuhbi tu cun cantu raꞌ nin rñiꞌ xcweenta dxyiꞌdxyi Dxiohs nee himnu raꞌ, cun neezaa cantu raꞌ nin ruluuꞌyi Spíritu Saantu laꞌh raꞌ bwiinn tin ziꞌchi guluuꞌyi rudiꞌhi tu guelzuxchiilli laꞌh Dxiohs. Nee garaa nin guunn tu o nin guiñiꞌ tu; gulguiꞌhnnan pur xcweenta lah Jesucristu, nee gulgadiꞌhiza guelzuxchiilli laꞌh Xtaada Dxiohs nuꞌh pur xcweenta Jesucristu.

ya loh garaa raꞌ cohsa riiꞌ nin mahzi lasahca gulgahpaa guelnadziiꞌhi lasaaꞌ lastoꞌ tu cun lasaaꞌ raꞌ tu laasii guelnadziiꞌhi lasaaꞌ riiꞌ naa nin rutiaaꞌha laꞌhtu loh raꞌ cuunnchiꞌhzi cohsa, ya squiiꞌ guunn tu tin gaca tu tuhsi ziga xclaaꞌdzi Dxiohs gaca.

Pwihsi laꞌhtu ziga nacweenta tu nezloh Dxiohs naa tu zigazi nin babahannee laꞌh Jesucristu loh guelguhchi, niꞌchin nin nahpa cuu yihca tu xcweenta cohsa raꞌ xteenn Dxiohs nin nuu dxibaaꞌ hasta zohba Jesucristu xlahdu derehchu Xtaada Ñiꞌh.

Ya sidela guzoꞌbadxiahga tu guunn tu squiiꞌ gusaaꞌn tu cuꞌbiaꞌhñiꞌh Jesucristu laꞌn lastoꞌ tu tin ziꞌchi gaantsiiꞌhi lasaaꞌ tu ziga tuhbi ziga stuhbi lasaaꞌ tu, laasii squiiꞌ bwiꞌhnn Dxiohs lligaaba gaca niꞌchin nin gulii Ñiꞌh laꞌhtu cwiih tu tuhsi sin nin tuhbi dxyiꞌdxyi biin dxyiꞌdxyi laasa nee tin ziꞌchiza gaca gudiꞌhi tu guelzuxchiilli laꞌh Dxiohs.

Pwihsi niꞌchin nin nahpa gusaaꞌntiiꞌ tu garaa cohsa dxaaba raꞌ nin rnaaba tihxi tu ziga cohsa gubwihlli, lligaaba dxiimma, lligaaba yoꞌba raꞌ, nin riuuꞌloh xixteenn bwiinn, cun nin rzaꞌbistoꞌ gaapaa cohsa roo ru galoh nin nahpa ba, ya deeꞌ raꞌ ruluuꞌyi raann luꞌh guriin dxiohsa

laasii laꞌhtu ya naa tu zigazi nin guhchinee laꞌh Jesucristu yannah xquelnabahan tu nahpa Jesucristu tuhsi cun Xtaada Dxiohs Ñiꞌh

Per nnah, gulgasiaꞌhan cohsa dxaaba raꞌ riiꞌ nez dihtsi tu ziga guelnadxyiꞌchi duuxa, cun guelnayoꞌba nin riuuꞌ yihca tu, guelriaꞌhalaa loh cun stuhbi lasaaꞌ tu, nee ayiza guiñiꞌyah tu lasaaꞌ tu nee ayiza guuyidxyiꞌdxyi tu dxyiꞌdxyi tohnta raꞌ

cun ayiza guuyi tu dxyiꞌdxyi dxixiꞌhw loh stuhbi lasaaꞌ tu, laasii ya biriaꞌcaa tu loh raꞌ cohsa dxiimma nin guzaꞌbistoꞌ tu galoh, yannah ya badxaꞌh tu tin biaca nacuubi stoꞌ tu laasii Dxiohs nugachaꞌh laꞌhtu tin gaca tu ziga gahca laꞌhÑiꞌh tin ziꞌchi dxiuꞌnbwaꞌpaꞌh tu laꞌh Ñiꞌh.

Ya neezaa tu ndxiꞌhw raꞌ nin nuu cheꞌhla ñiꞌh, gulgacaꞌhstoꞌ tu laꞌh cheꞌhla tu cun mohda naguuꞌdziꞌhn; ayi gaapa tu moda naruhlayaaꞌ cun cheꞌhla tu.

Ya laꞌhtu biñiꞌn raꞌ gulgazoꞌbadxiahga xchiꞌdxyi xtaada tu loh garaatiiꞌ, laasii dee naa nin rusiahxistoꞌ Dxiohs.

Ya laꞌhtu gunnaꞌh raꞌ nin nuu cheꞌhla ñiꞌh, nahpa chuu tu chaꞌzi tu xchiꞌdxyi cheꞌhla tu laasii ziꞌchi xclaaꞌdzi Daada Jesucristu gaca.