Popular Bible Verses from Mateo 8

Share

Jesúsnam nirqan: <<Ichiklla markäkïyuq nunakuna, ¿imanirtaq mantsakashqa këkäyanki?>> Tsënö nirmi sharkur vientuta y yakuta piñaparqan. Piñapaptinmi vientupis yakupis pärarirqan.

Capitannam nirqan: <<Tëtë, mana Israel nuna këkaptïqa manachi wayïman yëkunkimantsu. Tsëpa rantinqa sirwimaqnï kachakärinanpaq këllapita nïkullë.

Tsënö ninqanta wiyëkurnam Jesús kushikur qatiraqninkunata kënö nirqan: <<Rasunpam niyaq: Pënö markäkamuq nunataqa manam Israel nunakunachö tarirqütsu.

Capitantanam Jesús kënö nirqan: <<Wayikiman kutikï. Markäkamushqëkinömi sirwishuqniki kachakashqana këkan>>. Tsë höram capitanpa sirwiqnin kachakärirqan.

Tsëta rikarmi discïpulunkuna mantsakashqa niyarqan: <<¡Pitaq kë nunaqa yakupis vientupis tsënö cäsunanpaqqa!>>