Popular Bible Verses from Mateo 28

Share

Tsëmi jinantin markakunapa ëwar nunakunata yachatsiyanki discïpulükuna kayänanpaq. Pëkunata bautizayanki Teyta Diospa shutinchö, Tsurinpa shutinchö y Espíritu Santupa shutinchö. Tsënölla yachatsiyanki llapan nishqäkunata cäsukuyänanpaq. Noqaqa qamkunawanmi waran waran këkäshaq kë patsapa ushëninyaq>>. [Amén.]

Discïpulunkunaman witirirmi Jesús kënö nirqan: <<Kë patsachöpis y ciëluchöpis llapanpaq puëdiq kanäpaqmi Teyta Dios churamashqa.

Warmikuna chäriyaptinnam ángel kënö nirqan: <<Ama mantsakäyëtsu. Musyämi crucificäyashqan Jesúspa ayanta rikaq shayämushqëkita. Manam këchönatsu. Kawarimunanpaq ninqannöllam kawarimushqa. Mëman churayashqantapis rikäyänëkipaq shayämï.

Jesúsnam nirqan: <<Ama mantsayämëtsu. Ëwar wawqïkunata willayë Galileaman ëwayänanpaq. Tsëchönam pëkunawan tinkushaq>>.

Willayaptinmi mandakuq sacerdötikuna precisaq Israel nunakunawan ëllukëkur parlayarqan imata rurayänanpaqpis. Tsënö parlarirmi soldädukunata atska qellëta pagar niyarqan: <<Nunakunata niyanki Jesúspa discïpulunkuna paqaspa ëwar ayanta suwar apakuyashqanta. Tsënölla niyanki punukashqa kar imatapis mana mäkuyashqëkita. Pilato musyaptinqa noqakunam pëwan parlayäshaq mana castigayäshunëkipaq>>. Tsëmi päguta chaskirir soldädukuna ëwarnin mandakuq sacerdötikuna niyashqannölla nunakunata willayarqan. Tsënö willakuyashqantam Israel nunakuna hasta kananyaqpis creyiyan.