Popular Bible Verses from Mateo 27

Share

Tsë höram Jesús qaparipa nirqan: <<Elí, Elí, ¿lama sabactani?>> Tsë ninanqa <<Teyta Dios, Teyta Dios, ¿imanirtaq jaqiramarqunki?>> ninanmi.

Tsë höram templu rurinchö tsaparaq cortïnapis umapita urayaq rachikärirqan. Patsa alläpa kuyuptinmi qaqakunapis partikäyarqan. Sepultürakunapis kichakäyaptinmi Teyta Dios munashqannö kawaq nunakunapis kawariyämurqan.

Tsëpitanam yapë llapan kallpanwan qaparir Jesús wanurirqan.

Jesústa täpëkaq capitanwan soldädunkunam patsa kuyuqta mäkur y llapan pasashqankunatapis rikar alläpa mantsakar niyarqan: <<¡Rasunpam kë nunaqa Diospa Tsurin kashqa!>>

Pullan junaqpita las treskamayaqmi patsa tutapäkurirqan.

Pilatunam nirqan: <<Tsënö kaptinqa Cristo nishqan Jesústa ¿imatataq rurashaq?>> Tsënö niptinmi llapan kënö niyarqan: <<¡Crucifiquë!>> Pilatunam tapurqan: <<¿Ima jutsatataq rurashqa?>> Tsënö niptinpis nunakuna masran qaparipa <<¡crucifiquë!>> niyarqan.