Popular Bible Verses from Efesios 6

Share

Noqantsikqa manam nuna mayintsikwantsu pelyëkantsik, sinöqa puëdiq supëkunawanmi. Pëkunaqa mana rikakuq karpis jinantin patsachömi mana allikunata rurayan.

Imë hörapis Espíritu Santu käyitsiyäshushqëkinö Teyta Diosta mañakuyë. Mana ajayëpa imëpis rowakuyë. Markäkuq mayikikunapaqpis mana qonqëta mañakuyë.

Diabluta pärapuyänëkipaq Teyta Dios alistamushqan armadürakunata yakakuyë.

Tsënö këkaptinqa Teyta Dios alistamushqan armadürakunata yakakuyë. Alli alistakuyaptikiqa supëkuna shamurpis manam venciyäshunkitsu.

Escüdïkiqa Teyta Diosman llapan shonqïkikunawan markäkuyashqëkim. Tsë escüduwanmi nina rawrëkaq flëchawannö Satanás atacayäshuptikipis tsapäkuyanki. Casquïkiqa Teyta Dios salvayäshushqëkim. Espädëkiqa Teyta Diospa palabranmi. Tsëwanmi Espíritu Santu imëpis yanapayäshunki.

Wachukïkiqa rasun kaqllata parlayashqëkim. Chalëquïkiqa allikunata rurayashqëkim. Bötasnikiqa Jesucristupa willakïninta willakuyashqëkim.

Wawqikuna y panikuna, Señornintsik Jesucristo poderninwan yanapëkäyäshuptikiqa pëman alli markäkur kawakuyë.

Punta kaq mandamientu promësayuq kaqqa kënömi nin: <<Tëtëkita y mamëkita alli rikanki. Tsënöpam kë patsachö atska wata kawanki>>.

Wamrakuna, Señornintsik Jesucristuta chaskikushqa këkarqa mamëkita y tëtëkita imëpis cäsukuyë. Tsënö cäsukuyänëkitam Teyta Dios munan.