Popular Bible Verses from Filipenses 1

Share

Noqa allim musyä qamkunachö Teyta Dios alli rurëta qallëkushqanta y Jesucristo kutimunqanyaq alli patsakashqana kayänëkipaq kashqanta.

Tsëmi Teyta Diosta mañakïkä shumaq käyikïnikikunawan pëta kuyarnin jukniki juknikipis kuyanakuyänëkipaq. Tsënö kuyanakurmi alli kaqkunata rurayänëkipaq käyikuyanki y Jesucristo kutimunanta shuyäkurmi pë munashqannö jutsannaqlla kawayanki.

Kawarpis Jesucristullapaqmi kawashaq. Wanukuptïpis noqapaqqa mas allim kanqa.

Qamkunapaq yarpararmi imëpis Teyta Diosta <<payllä>> nï.

Jesucristupa alli willakïnin nishqannölla imëpis kawakuyë. Tsënöpam shamurpis o mana shamurpis musyashaq jiparpis llakirpis Jesucristo munashqannö kawëkäyashqëkita y imëpis kuyanakïkäyashqëkita. Tsënöllam musyashaq nunakuna chikiyäshuptikipis Jesucristupa alli willakïninta willakïkäyashqëkita.

Mana mantsakushpa parlanäpaq imëpis yanapamashqannömi autoridäkunapa nöpanchöpis yanapamanqa. Tsëmi Jesucristo yanapamashqan musyakanqa kawëkaqta jaqiyämaptinpis o wanuratsiyämaptinpis.

Manam Jesucristuman markäkunantsikllapaqtsu Teyta Dios akramarquntsik, sinöqa pë rëkur jipanantsikpaqwanmi.