Popular Bible Verses from 1 Corintios 5

Share

Tsënö kaptinpis wakin nunakunaqa <<Jesucristumanmi markäkü>> nikarmi fornicación jutsachö kayan, imapaqpis ambiciösu kayan, ïdulukunaman markäkuyan, nunapa wasan rimayan, borrächu kayan y suwakuyan. Pëkunawan mana ëllukäyänëkipaqmi niyaq. Pëkunawanqa mikuyänëkillapaqpis ama ëllukäyëtsu.

Tsënö këkaptinqa qamkunachö këkaq levadürata jitariqnö tsë nunata qarquyë. Tsënöpam mushuq masapita rurashqa levadürannaq tantanö kayanki. Pascuachö mallwa üshanö Jesucristo [noqantsik rëkur] wanutsishqa kaptinmi rasunpa levadürannaq tantanö këkäyanki.

Noqantsik manam puëdiqtsu kantsik Jesucristuman mana markäkuqkunata juzganantsikpaq. Tsënö kaptinpis Jesucristuta chaskikuq mayintsikkuna jutsata rurayaptinqa juzganantsikpaq y willapänantsikpaqpis puëdiqmi këkantsik. Jesucristuta mana chaskikuq nunakunataqa kikin Teyta Diosmi juzganqa. Jesucristuman markäkuq mayikikunata willapäyänëkipaq puëdiq këkarqa madrastanwan kakuq nunata qarquriyë. Tsënöpam mana alli rurëkuna qamkunachö kanqatsu.