Popular Bible Verses from 1 Corintios 6

Share

¿Manaku musyayanki Teyta Dios qoyäshushqëki Espíritu Santu tärashqan templu kayashqëkita? Tsënö këkaptinqa cuerpïkikuna manam qamkunapatsu, sinöqa Teyta Diospam. Qamkunataqa Teyta Diosmi rantiyäshurqunki. Tsëmi jutsata mana rurashpa pë munashqannö kawakuyänëki.

¿Manaku musyayanki jutsata ruraq nunakunaqa Teyta Diospa mandakïninman mana yëkuyänanpaq kashqanta? Shumaq käyikuyë: fornicación jutsata ruraqkuna, ïdulukunaman markäkuqkuna, warminta o qowanta engañaqkuna, prostitütanö puriq jövinkuna, ollqupura warmiwannö punukuqkuna, suwakuqkuna, ambiciösukuna, borrächukuna, wasarimakuna y sakyapakuqkunapis Teyta Diospa mandakïninman manam yëkuyanqatsu.

¡Fornicación jutsa rurëpita witikuyë! Wakin jutsakunata rurarqa manam cuerpïkitatsu rakchatëkäyanki. Fornicación jutsata rurarmi sï cuerpïkita rakchatëkäyanki.

Qamkunam nikäyanki munayashqëkita rurayänëkipaq librina këkäyashqëkita. Libri karpis manam llapantatsu rurayankiman. Manam jutsata rurar kawanantsikpaqtsu libri këkantsik, sinöqa Teyta Dios munashqannö kawanantsikpaqmi.

Teyta Dios pëta kawaritsimushqannömi noqantsiktapis poderninwan kawaritsimäshun.