Popular Bible Verses from 1 Corintios 1

Share

Mana yachëyuq kayashqëkita nunakuna yarpäyaptinpis qamkunatam Teyta Dios akrayäshurqunki yachëyuqkuna käyikur penqakuyänanpaq. Tsënöllam poderninnaq kayashqëkita yarpäyaptinpis Teyta Dios akrayäshurqunki puëdiq nunakuna käyikur penqakuyänanpaq.

Jesucristo cruzchö wanushqanta willakuptïmi infiernuman jitashqa kayänanpaq kaqkunaqa niyan manakaqkunata willakushqäta. Tsënö niyaptinpis salvashqa kaqkunapaqqa tsë willakï Teyta Diospa poderninmi këkan.

Tsëmi willakuyashqä upa nunakunallapaq kashqanta yarpäyaptinpis yachëyuq nunakunapa yarpëninpita mas alli këkan. Tsënöllam Jesucristo cruzchö wanushqanta manakaqpaq churayaptinpis pëman markäkuqkunataqa Teyta Dios poderninwan salvëkan.

Teyta Diosqa änikushqanta imëpis cumplinmi. Pëmi Tsurin Señornintsik Jesucristuwan juknölla kawayänëkipaq qayayäshurqunki.

Wawqikuna y panikuna, Señor Jesucristupa shutinchömi qamkunata rowayaq mana chikinakushpa juk shonqulla juk yarpëlla kawakuyänëkipaq.

Tsënö kaptinqa yachaqkuna yachayashqanpis ¿imapaqtaq sirwin? Ley yachatsiqkuna yachayashqanpis ¿imapaqtaq sirwin? Kë patsachö yachaqkuna estudiayashqanpis ¿imapaqtaq sirwin? Jesucristuman mana creyikuq nunakuna yachayanqanpis Teyta Diospaqqa manakaqllam këkan.