Popular Bible Verses from Deuteronomio 6

Share

Tuma asamtai ina Yuusriya nu ima senchi anetarma. Turakrum ima ninig enentaimsarum pujustarma, Yuus wakeramua nuke takastarma.

Tumakrum atumin jeen pujakrumsha, wekakrumsha, kanartasrum tepakrumsha tura káshik nantakrumsha atumin uchiri ainaka tuke ujatin ataarma.

Yuus timaun chicham umiktinan atumin ujajrum nu tuke aneaku atin ataarma.

Wina pataar ainata wii titatjarum nu antuktarma: Ina Yuusri, ii umirnaitaj nuka ima chikichkiti.

Chicham umiktin aina nu aarum atumin kunturin patakematarma, tura nijainumsha jigkamatarma.

Nuiyasha atumi jeen waitirincha aartarma, tura yaakta waitirincha aartarma, tusa Moisés ni shuar ainan tinaiti.

Tuma asamtai ina Yuusriya nu eme anentsa iiyakrum nigki umirkatin ataarma. Chikich aina antuinamunam atum umiktin pachisrum chichakrumka, Yuusa naari pachisan tajai tusarum titin ataarma.

Ina Yuusriya nu Abrahaman, Isaackan, tura Jacobon nu ainan nugkan ni weantu ainatirmin suramsattsa anajmatramawaitrum nui ejétamtattrume, nu nugkanam yaakat uun aina atum yaktamkashmau shir uun, tura nuiyasha shir pegkeraiti. Tura atum warí pegker aina sumakchamu pimasa wearmaunam, atum árak juuka irumrachmau ainan, atum taichmau yumirmatai aina yaunchuk ataukmau ainanam, tura nu nugkanmagka aja aina iruntatui. Atum ajama arakchamu uva aina, tura atum ajama arachmau olivo aina nusha juuka yuakrum shir ejemarum pujustatrume. Tumakrumsha atum egiptonmaya aina inaku waitkam pujautirmin Yuus jiirmaruitrum nu kajinmattsuk aneakuk ataarma.

Moisés ni shuar ainan chicharuk: Ju chicham umiktin aina juka, Yuus nugkan suramsattsa anajmatramawa nui jearum pujakrumsha umiktin asaakrumin jintintawarta tusa wina turutnaiti. Atum ainatirmeka chicham umiktarma tusa Yuus turammaun, wii yamai jintinjarum nuka araantusa iiyaakrum tuke umisrumke atin ataarma. Tura atumi uchiri aina, tura atumi tiragke ainasha nuna metek uminakka nukap uwí pujusartin ainawai.

Atumka pegker aina, tura Yuus shir enentaimtikmaina nuke takastarma, nu turakrumka Yuus ina uuntri ainan nekas susartinaitjai tusa anajmatawaiti. Nu nugka shir pegkera nui jearum pujakrumsha pegker pujustin ainarme.

Yuus atumjai puja nuka anenmau asa winak eme anentrus iirainak umirtukarti tusa wakerinaiti. Tumau asa atum nekas yuuschauwa nu eme anentsa iiyakruminka atumin kajertamak ashi ijitmamainaitrume.

Tura nu nugkanam matsamsarmesha chikich shuar, nu yaakta yantamen matsataina nuna yuusrimtairigka atum ainatirmeka Yuusa iman enentaimtusrum iistin airpa.

Masá nugkanam Yuusan nekapu jaku aina numamtukka, “atumi Yuusri nekapsairpa”.