Popular Bible Verses from Deuteronomio 4

Share

Nu nugka ainanam tu pujakrumsha ataksha Yuus umirkattsa wakeruktinaitrume. Tumakrum ataksha nigki umirkattsa wakerusa pegker enentaijai aujmaka anturtamak wina umirtukarti tusa yainmaktinaitrume.

Yuuska wait anenkartinaiti. Tumau asa, nigka atumnaka inaitamsashtinaitrume, tura ashi jinati tusagka turamchattarme. Nuiyasha atumi uuntri ainajai chichaman umikua nunasha kajinmatkishtinaiti.

Yuus anenmau asa winak eme anentrus iirainak umirtukarti tusa wakerinaiti. Tumau asa ni umirchamka ji keak aesa emegkaina numamtuk ijitmamainaitrume.

Tuma asamtai eke jatsuk pujakrumka Yuus atumin iwainturmakai wainkauwaitrum nu, tura chicham umiktin ainan jintintawaitjarum nusha pegkesha kajinmattsuk aneakuk pujakrum, atumi uchiri aina, tura atumi tiragke ainasha, nu pachisrum jintintatin ataarma, tusa Moisés ni weantu ainan tinaiti.

Tuma asamtai, nayaimpinam tura nugkanmasha Yuusa nuka ima nigkiti, chikich atsa nu nekatarma. Tumarum kajinmattsuk aneaku ataarma.

Chikich nugkanmaya shuar aina shir pampagkaru ainakaisha, ina Yuusri ii atsumamu pachisa seam, ina pegkernum yainmaj imatika yaimainka nita yuusrigka pegke atsawai.

Atum chikich nugkanam matsamsarum nakumkamu emematkurum waitu pujautiram inaiyakrum ataksha Yuusa chichame umirkurum ememattarma.

Chicham umiktinan jintintajrum juka nu nukap iwakarum aartin airpa, nuiyasha asakartin airpa. Antsu nuka turutsuk chicham umiktarma tusa Yuus ina turamna turusrumek umiktin ataarma.