Popular Bible Verses from Zab 103

Share

Ka yabi Ubangiji, ya raina, Kada ka manta da yawan alherinsa.

Ya gafarta dukan zunubaina, Ya kuma warkar da dukan cuce-cucena. Ya cece ni daga kabari, Ya sa mini albarka da ƙauna da jinƙai. Ya cika raina da kyawawan abubuwa, Don in zauna gagau, Ƙaƙƙarfa kamar gaggafa.

Ka yabi Ubangiji, ya raina! Ka yabi sunansa mai tsarki!

Kamar yadda uba yake yi wa 'ya'yansa alheri, Haka nan kuwa Ubangiji yake yi wa masu tsoronsa alheri.

Kamar yadda gabas take nesa da yamma, Haka nan ne ya nisantar da zunubanmu daga gare mu.

Ubangiji mai jinƙai ne, mai ƙauna ne kuma, Mai jinƙirin fushi ne, cike yake da madawwamiyar ƙauna.

Yakan yi mana rangwame sa'ad da yake hukunta mu, Ko sa'ad da yake sāka mana saboda zunubanmu da laifofinmu. Kamar yadda nisan sararin sama yake bisa kan duniya, Haka kuma girman ƙaunarsa yake ga waɗanda suke tsoronsa.

Ubangiji ya kafa kursiyinsa a Sama, Shi yake sarautar duka.