Popular Bible Verses from K.Mag 12

Share

Damuwa takan hana wa mutum farin ciki, amma kalmomin alheri za su sa shi ya yi murna.

Mutumin da yake ƙaunar ilimi yakan so a faɗa masa kuskurensa, wauta ce mutum ya ƙi yarda a faɗa masa laifinsa.

Maganganun rashin tunani suke sa rauni mai zurfi kamar saran takobi, amma kalmomin mai hikima sukan warkar da raunuka.

Wawa a kullum tsammani yake abin da yake yi daidai ne, amma masu hikima sukan kasa kunne ga shawara.

Sa'ad da wawa ya hasala, nan da nan kowa zai sani, amma mai la'akari ba zai nuna ya kula ba.

Matar kirki abar fāriya ce, abar murna ga mijinta, amma idan ta sa shi kunya, ta zama masa kamar ciwo a ƙashinsa.

Ubangiji yana ƙin maƙaryata, amma yana murna da masu faɗa da cikawa.

A ko yaushe adalin mutum yakan gwada halinsa, amma mugaye sukan ɓata a hanya.

Gaskiya dawwamammiya ce, amma ƙarya ƙurarriya ce.