Popular Bible Verses from K.Mag 11

Share

Ka yi alheri za ka arzuta. Ka taimaki waɗansu, su kuma za su taimake ka.

Waɗansu mutane sukan kashe kuɗinsu hannu sake, duk da haka arzikinsu sai ƙaruwa yake yi. Waɗansu kuwa saboda yawan tsumulmularsu sukan talauce.

Masu girmankai za a kunyatar da su nan da nan. Hikima ce mutum ya zama mai kamewa.

Al'ummar da ba ta da masu ja mata gora, za ta fāɗi. Yawan mashawarta yake kawo zaman lafiya.

Adalci yana rayar da mutum, wanda yake da hikima kuma yakan ceci rayuka.

Ba wanda zai yarda ya faɗi asirinsa ga matsegunci, amma za ka amince wa amintaccen mutum.

In ka yi alheri, kanka ka samar wa tagomashi, in kuwa ka yi mugunta, kanka ka cutar.

Adalai za su arzuta, kamar ganyaye da bazara, amma waɗanda suke dogara ga dukiyarsu za su karkaɗe kamar ganyaye da kaka.

Dukiya ba ta da wani amfani a ranar mutuwa, amma adalci zai hana ka mutuwa.

Mutanen kirki su ne gaskiya takan bi da su. Rashin aminci kuwa yana hallaka maciya amana.

Kome kyan mace idan ba ta da kangado, tana kamar zoben zinariya a hancin alade.

Ubangiji yana ƙin masu yin awo da ma'aunin zamba, amma yana farin ciki da masu yin awo da ma'auni na gaskiya.