Popular Bible Verses from M.Had 1

Share

Gwargwadon hikimarka gwargwadon damuwarka, gwargwadon ƙarin iliminka gwargwadon jin haushinka.

Abin da ya faru a dā, shi zai sāke faruwa, Abin da aka yi a dā, shi za a sāke yi. A duniya duka ba wani abu da yake sabo.

Kowane abu yana sa gajiya, Gajiyar kuwa ta fi gaban magana. Idanunmu ba sā ƙoshi da gani, Haka kuma kunnuwanmu ba sā ƙoshi da ji.

Banza a banza ne, in ji Mai Hadishi, Banza a banza ne, dukan kome banza ne. Wace riba ce mutum zai samu daga cikin aikinsa, Da yake yi a duniya?

Na ga dukan abin da ake yi a duniya, duk aikin banza ne da ɓata lokaci kawai.

Zamani yakan wuce, wani zamani kuma ya zo, Amma abadan duniya tana nan yadda take.

Ba wanda yake iya tunawa da abin da ya faru a dā, Da abin da zai faru nan gaba. Ba wanda zai iya tunawa da abin da zai faru A tsakanin wannan lokaci da wancan.

Na ɗaura aniya in san bambancin da yake tsakanin ilimi da wauta, da a tsakanin hikima da gāɓanci. Amma na gane harbin iska nake yi kawai.