Popular Bible Verses from Romanos 3

Share

Nandeɨcuã ja chõ ñene. —Aque eturãte, ɨã nda Dios nandemo je. Nandeɨcuãte raque. Dios quia eturãte nande je re. —Mbae mo jemondo jẽɨcuã ndɨbɨshorõ, ɨ ãte Dios. Jesucristo que mano nandeɨcuã ndɨbɨshorõ ndesẽ. Nyebe Dios riqui nguiã mae turã nanderese co.

Dios que Jesús turã teacuquia nande je cote ra. Ae que mano nandeɨcuã ndiquicharõ sacuã nda. Nande Jesús ɨcua mose, Dios ra nandeisi turã cote. Eɨ̃ ja chõ Dios mbia je re. Dios bia eã ño mbia mo mɨɨ ndese. —Jẽ Moisés chɨmbesa mumbayã mose, taẽisi turã, ɨãte Dios. —Jẽ Jesús ɨcua mose, ũquɨ̃ mose quiatu ra jaẽisi turã, ɨte Dios. Embesa ji ñiinda abe que ñee ñee Jesús rɨɨ̃ nyii no nda.

Dios que Jesucristo mondo mbia je ra. Mano sacuã mbia ɨcuã ndiquicharõ. —Jesús que mano seɨcuã ndɨbɨshorõ nda, nande ɨ mose, ũquɨ̃ mose ra Dios nandemingo beɨ. Dios que mae ñooño mbia ɨcuã ndese nyii ra. —Seriirĩ nguia ra mano nguiã eɨcuã ndiquicharõ, ɨ que ra. Echeẽ ngue ɨque cote ra. Dios uturã ndeacuquia mose que echeẽ ɨque cote ra. Dios riirĩ ngue mano mbia ɨcuã ndiquicharõ nda. Mbia mae sacuã Dios turã ndese. Dios turã mbeɨte. Mbia ɨcuã isi turã nonde. Mbia Jesús ɨcua mose ra Dios mbia isi turã.

Emo ñee aroneãte. —Embesa ji amumbayã mbeɨte quia co. Nyebe ra Dios seisi turã, ɨ aroneãte emo. Dios que Moisés chɨmbesa mee mbia je ra. Mbia huɨɨcuã ɨcua ja sacuã.

Ɨ ñɨ embesa ji re: Emo eturã eãte. Aque mɨɨ mo eã. “Dios ɨcha taɨcua”, ɨãte emo. “Dios rese taɨco”, ɨãte emo. Mbia que ɨcha ɨcha jate Dios sɨ ra. Eɨcuã jate que eriqui ra. Emo mbae turã mo saã eãte. Aque mɨɨ mo eã.

Mbia Jesús ɨcua mose, aque mose quia ra Dios mbia isi turã. —Taẽisi turã, jẽ Moisés chɨmbesa mumbayã mose, ɨãte Dios nande je. —Jẽ Jesús ɨcua mose, ũquɨ̃ mose quiatu ra jaẽisi turã, ɨte Dios nande je.

Judíos mo huɨ huɨ raque Dios cheẽ sɨ. Dios quia ra ñee ñooñoã mbeɨ. Echeẽ nguia ra ɨo beɨ. Mbia huɨ huɨ raque esɨ. Mbia ñee ñooño ndaque. Ɨ ñɨ embesa ji re: Ndecheẽ nda ɨo tuchɨ mbia resa rae. Mbia ɨcuã mose ndeje, nde quia ra ere tuchɨ mbia sɨ, ɨ que embesa ji ra.