Popular Bible Verses from Romanos 4

Share

Abraham ngue “nducuã” ɨã mbeɨte quia Dios cheẽ mose ra. “Nyia, eno”, ɨ beɨte que equia Dios cheẽ mose ra. Ñee turã mbeɨ que equia Dios rɨɨ̃ nda. —Dios quirãcuã tuchɨ quia ñene. Ae ra ucheẽ nyabiã mbeɨ ñeende seje, ɨ que Abraham nda.

Nyebe embesa ji riqui nguiã ɨ: Dios que ñee Abraham je ra. “Nde ra mbia i tuchɨ. Ibi jenda ja i tuchɨ ra nde”, ɨ que Dios Abraham je ra, ɨ que embesa ji ra. Dios ra mbia mangue chooñoa jenda ja isi turã, Jesús ɨcua mose. Dios cheẽ sɨ́ tuchɨ chõ ã nde. Dios ae mbia raaque mbuquera nguiã. Ae emoãte namo nae, Dios ae ra ũquɨ̃ nyao no.

Dios que Jesús mbu íbii nande je ra. Mano ngue nandeɨcuã ndiquicharõ nda. Aquere que Dios embuquera sɨ cote ra. Nandembitirõ sacuã ngue Dios embuquera ra.

—Nderiirina tamee ndeje. Eretiirĩ nda cote. Mbia ja i ra nde cote, ɨ que Dios Abraham je ra. Abraham ngue “nyia, eno”, ɨ Dios cheẽ mose ra. Ameɨ tuchɨ raque. Tiirĩ aroneãte raque aba je.

Dios turãte quia ñene. Nyebe eriqui nguiã mbae mondo chooño nande je eɨcua mose. Judíos achõ je eã ño eriqui nguiã mbae mondo mondo. Judíos eã je abe chõ eriqui nguiã mbae mondo mondo, Dios ɨcua mose. Sã Abraham Dios ɨcua no. Sã Dios mbae mondo mondo ee no. Nyebe nandeɨco nguiã “nanderu” ɨ Abraham je co. Ae rane nguiatu ngue Dios ɨcua nguiã.

Co rei David chɨmbesa co: Ae ɨcuã Dios mbutiã nae, ũquɨ̃ ia tuchɨ chõ ñene. Ae ɨcuã ndese Dios riqui mae ãte nae, eɨcuãte raque, Dios ra eisi turã. Ũquɨ̃ ia tuchɨ chõ ñene, ɨ ñɨ David chɨmbesa re.

Ɨ ñɨ embesa ji re: Abraham ngue Dios ɨcua ra. Nyebe Dios eisi turã nguiã, ɨ ñɨ embesa ji re.