Popular Bible Verses from Saantiaaocha Letoai 1

Share

Aonacuche satiin Cana Coaunera Calaohi coreniha canejeraauru. Chatohaneein nihanatiin inara tera nihane chaque tonajelanaala raotojoeein rachoojoeein neeuche. Cana Coaunera esenetaaichene coreniha itolereque coujunojoinequichene coitucuhin, nelararajiaain itolere necairichanaa abaantaain neeuche. Nitohanihane banate itolere necairichanaa nihanatiin abaantana naineriquicheein aina iiquichene. Nii banate esinae rauhijiriin Cana Coaunera jerenohi ichana naineriquicheein. Aihute coujuriu Jesocurisito ere tonoraera neein nenaa tocohaneein neeiche rauhijiriin.

Inaraacha chanenu coitucuheneeichene, Cana Coaunera caje bajaauchete inara coroatajanemiin. Acate inara rai coitucuhichene jaanu tereein, Cana Coaunerate canaacha latei tera ne chaque tonajelanaala.

Nii coreniha canejeraauru, caohachaain rauhijiriin esinae Cana Coaunera ere aonaain, Cana Coaunera ere tonoraauche, chaenchu erenacaaotelanaala, chaenchu joaereein coreniha obaje lanaala, naaonjoaain.

Cana Coaunera esenetaaichene coreniha itolereque coujunojoinequichene coitucuhin, nelararajiaain itolere necairichanaa abaantaain neeuche. Nitohanihane banate itolere necairichanaa nihanatiin abaantana naineriquicheein aina iiquichene. Nii banate esinae rauhijiriin Cana Coaunera jerenohi ichana naineriquicheein. Aihute coujuriu Jesocurisito ere tonoraera neein nenaa tocohaneein neeiche rauhijiriin.

Cana Coaunera ere coitucuhin neeichene jaun, tonoraain Cana Coaunera jerenohicha sacuuche. Aineeichene nelatihei raujiaain aonaquichene. Niite nechu jataain inara raajenihane necoritariquicheein.

Nerausiaaequiche esinae necairichanaa abaantaain Cana Coaunera coitucuhin, esenetaain, jereein, nere tonoraain neeichenete, chabana nitajenaa charaneein nenaa ichaonaa caohacha esine tereein inara rai Cana Coaunera, belaain nere tonoraeraauru rai nitohaneein tihane coina aitiin nihalune jaun.

Coatiha Cana Coaunera caje uhi chabaaso. Coatiha chaaelai janonaa bana suujua lonaain Cana Coaunera. Leinjiin acaachate aca neein ne. Itolere neeincha caohacha nejesinaachate uhe Cana Coaunera caje. Acate itolere rai cono neein ne. Aca techu enoto, atene, arasijie, naaojoaihunri coaaunaelu dedeeu. Chabana coreenrai Cana Coaunera.

Cha teeinti Cana Coaunera ere beebejiha beebejerane aonaa natiin tonoraene. Niite enaacha Cana Coaunera ere baitereein.

Cha lateein neeuruha ujuatejeeurune coroatajaneein, cha lateein niha autanaaurune coroatajaneein nihacanete, esinae rauhijiriin aitoha Cana Coaunerane rijijieein nerichaacheein. Nainihei Cana Coaunera Calaohi Jesocurisito coitucuuruhi rijijieein nihacachene.

Chunei chatohanei baaso ichana coacuhin nihane, coa “Cana Coaunerate jere caa baaso coaucaaunne coina”, naain iriha. Coatiha joaereein cacha rijijieein chabaaso coacuhin nihei Cana Coaunera. Nii cana raajenihane canaacha coacuite, ecocoe cana suujua caje baasoneein. Aihana jaun baasoneein sacuichene coataa, caohachaain coaracuche.

Cairicheineein neeichene jana, inara raa Cana Coaunerana jaun, raotojoeein rachoojoeein neeuche.