Popular Bible Verses from Ebereeocuru Rai 13

Share

Jiaonrihachu coriquiicha que coacuhin neeichene. Inara rucuhele inaraacha sirii ainaacha raotojoeein ichaaoche: “Chabana nihei inara jianeein inara que jaolecohanune”, naalu Cana Coaunerane jaun.

Jesocurisitote jeelaineein nereein, chabana satonoelanaala.

Niritohalu cana rai Cana Coaunerane jaun chaque tonajelanaala nainichaache: “Cana Coaunerate canu coroatajaneraneein ne. Nii jaun chaque casinaaun. Chatoanai ichana nainihei canu que camute cacha”, naain erenaa nainichaache.

Jiaonriha caohacha ichana baiteein, leeochaauru rai inaraacha sirii teein naaonjoaain neeichene jianequichene. Nitohaneein ichoaite rautaain coarae Cana Coaunera.

Aihane jaun, itolere bana Cana Coaunera coroaecaachenete ne, rai Calaohi Jesocurisito aina cuaain. Nii Cana Coaunera coroaecaachenete belaiha rai canaacha teenineein nereein. Aihana jaun cana ujuae caje coroaecaachenete ne.

Nitohanihane jaun, inara quichaauru, enecuru, naaonjoaineeichene nisirihateein neeichene, itaque inara suujua acateein, leeocha inara sinijerane lanaala nenaa coacuelanaala, inara sinijiera ainaacha ichaaoche; satiin baaso ichaain rai sinijerane lanaala nenaa aina ichaohi casetecarichaain Cana Coaunerane jaun.

Niheichu inara rene turunacaauru belaain raaichene jianeein nenaa nainiheeiche. Nitohaneein nenacaaurute, acanihane coitucuelanaala Cana Coaunera letonocuru anjeraaurune maajeein raaurelu rai loreri asaae.

Rai coichana aina cuaain chabana satonoelanaala nenaa ichaonaa tera rai cachaneein nihacachene beraichaneein nenaa nii oo caje Jesoso ichatera Cana Coaunera, inara ichao rucuerateeine Jesocurisito que, aca jerihane rijijieein cha chaain neeichene coina. Chaaen Jesocurisito aina cuaain canacaanu que niicha jerei ichamiin. Itolere bana satonoelanaala, Curisitoneein niha Curisitone coitucuurumiin satiin cachaauru. Bajiaanachuinti aihurene.