Popular Bible Verses from Mateus 4

Share

Tawamhã Zezusi hã ma sada'â, ãne: — Ibaihâ Iwazé pese na rob'ui'éré hã, ãne te tinha: “I'u'ẽtẽ wapu na si, 're dahâimana za'ra mono õ di za, ti'ai ãma hã. Uburé 'Re ihâimana u'âsi mono mreme isadawa hawi 're iwairébé mono na si, te za 're dahâimana za'ra.”

Tahawa ma tô Zezusi hã tãma rob'ru, ãne: — Satanasi, mo oto aimorĩ ĩnhiti! Ibaihâ Iwazé pese na rob'ui'éré hã ãne te tinha: “Uburé Danhib'apito ãma si 're aiwata za'ra wa'aba mono, ate za'ra wa'wa 'Re ihâimana u'âsi mono ãma si. Duré õhõ ma si 're romhuri za'ra wa'aba mono.”

Tawamhã Zezusi hã ma duré sada'â, ãne: — Tane nherẽ, ãne duré Ibaihâ Iwazé pese na rob'ui'éré hã te tinha: “Uburé Danhib'apito hã 're pibu za'ra wa'aba mono tõ, ate za'ra wa'wa 'Re ihâimana u'âsi mono hã.”

Tawamhã 'Re ihâimana u'âsi mono Pẽ'ẽzani hã ma tô Zezusi hã saprõ, rop si 're irosa'wari mono u, Wa'uburé hã te te pibu da. Tawamhã Zezusi hã 40 bâtâ na duré 40 mara na sai ãna hâimana parimhã, mra ma tô azâ.

Tawamhã Zezusi hã te ãne 'mahârâ zahuré: — Ĩzarina we ane wa'aba. Ĩma 're da'awaibui wa'aba mono da oto, wa za ãma aima asanho wa'wa. Tahawa ma õne haré marẽme zahuré, abazipara ma. Zezusihi zarina te oto tineb zahuré.

Tawamhã ta hawim haré, Zezusi hã ma tô oto romhuri na sãna'rata, Timama zadawa wasu'u na hã, ãne: — Ma'ãpé aiwasété na asisãmri za'ra wa'aba, 'Re ihâimana u'âsi mono ma, asiwẽ'õ za'ra wa'aba da. E marĩ wa. Hâiwa ãma 're Isãmra mono, da'ãma 're isib'a'uwẽ mono zé hã romhuture wa oto.