Popular Bible Verses from Mateus 3

Share

Ma'ãpé, marĩ hã 'manharĩ za'ra wa'aba, asihâi'ré za'ra wa'aba da, aiwasété na asisãmri za'ra wa'aba wa, i'asi'ruiwapari za'ra wa'aba na hã.

Tawamhã hâiwa hawi damreme hã ma tô we tinha, ãne: — Ã hã ĩ'ra, ĩma isawi uptabi. Ãma ĩto za'ẽtẽ uptabi di.

Tawamhã Zezusi hã â dawabzuri te te 'manharĩ parimhã, â hawi ma tô watobro. Tô taha wi awa'awi hâiwa hã ma tô si'ridawa. Tawamhã Zezusi hã ma tô 'madâ, 'Re ihâimana u'âsi mono Pẽ'ẽzani, utu'u ne we te te isi'ra hã, duré ihâiba na isimizazâri hã.

— Wa hã wa tô â na si, â dawabzuri hã te aima 're a'manharĩ 'wa, aiwasété wi 're i'aipizari za'ra wa'aba mono zém na, da te oto ãma 're aiwaihu'u za'ra wa'aba mono da hã. Tane nherẽ, ĩza'u hã te za wei wi, ni'wa ĩnhipai u iwaihu'u pese uptabi hã. Taha si te za 'Re ihâimana u'âsi mono Pẽ'ẽzani na te te 're aihâiba ubu za'ra wa'wa, duré unhama na zama. Ta hã ĩnhipai u waihu'u pese uptabi wa, wa hã sadai õ di, ipara'uza te tãma imrami da hã.

Hâtâra hã te oto mapa, wede norĩ hã te te anhihâri da, isari hawi. Uburé rowede hã 're i'rãi wẽ za'ra mono õ norĩ hã te za da te 're sihâri za'ra, unhama u da te 're sãmra mono da.

Zuwã Batistaha ãma, 'Re ihâimana u'âsi mono zadawa 'mahârâ'wa Izaias hã ma tô rob'ui'éré, ãne: “Ni'wa hã te hârâ 'rãihâ na dama rob'mahâ, rop si 're irosa'wari mono ãma, ãne: Sa'ra pese aba mono bâdâdi hã, Uburé Danhib'apito ma. Imana 'rãmi bâdâdi hã awa'awi sô sa'ra aba mono.”