Popular Bible Verses from Mateus 5

Share

Tane duré, rob'uiwẽzé hã ni'wa te te ro'o wamhã, piza'a 'rowimhã te te sãrĩ waihu'u õ di. Romnhiwasi te za tisã. Tawap si te za rob'uiwẽ, uburé 'ri 're, isi'ubumro norĩ ma hã. Tane te za duré ate za'ra wa'wa rowa'a na, sõ'awi dama 're irob'uiwẽ za'ra wa'aba mo, romhuri iwẽ 're i'manharĩ za'ra wa'aba mono hã da te 're 'madâ'â za'ra mono da, taha zarina Aimama 'wa, hâiwa ãma 're isãmra mono ãma 're dawata za'ra mono da.

— A norĩ wa'wa hã rob'uiwẽzé, ti'ai ãma 're idahâimana za'ra mono norĩ ma hã. 'Ri nho'u hã ẽtẽ 'rãihâ nhisiwi da te 'ri nharĩ wamhã, sima'uri na hã hâimana waihu'u õ di.

— Ni'wam norĩ ma, 're rowẽ uptabi za'ra mono di, tipẽ'ẽ na sena na 're ihâimana za'ra mono norĩ ma hã. E marĩ wa. Ta norĩ hã te za 'Re ihâimana u'âsi mono hã 'madâ'â za'ra, 'râwi.

— Ni'wam norĩ ma, 're rowẽ uptabi za'ra mono di, te te sima 're iwẽ uptabi za'ra mono hã 'Re ihâimana u'âsi mono te te sima 're iwẽ mono zé, te te 're 'manharĩ za'ra mono da hã. E marĩ wa. Ta norĩ ma, te za 'Re ihâimana u'âsi mono hã te te 're apisutu, rowẽ uptabi na 're hâimana za'ra mono da hã, dasai 'mahâpãrĩ wẽ wa, dato sina 're idahâimana za'ra mono ne.

Tane nherẽ, wa hã wa za ãne aima waihu'u za'ra wa'wa: Ai'ruiwapari'wa norĩ hã 're sawi pese za'ra wa'aba mo. Duré te te aima 're irob'manharĩ wasété za'ra wa'aba mono norĩ ãma, 're rowaptẽrẽ za'ra wa'aba mono, 'Re ihâimana u'âsi mono ma

— Ni'wam norĩ ma, 're rowẽ uptabi za'ra mono di, 'Re ihâimana u'âsi mono ãna hã, siptete na 're ihâimana waihu'u za'ra mono õ na hã, 're isi'madâ'â za'ra mono norĩ ma hã. E marĩ wa. Ta norĩ ma, te 're hâimana, Hâiwa ãma 're Isãmra mono, da'ãma 're isib'a'uwẽ mono zé hã.

— Ni'wam norĩ ma, 're rowẽ uptabi za'ra mono di, 're dasisawi wẽ za'ra mono da, rowẽ zô dama 're isõpré mono norĩ ma hã. E marĩ wa. Ta norĩ hã te za 'Re ihâimana u'âsi mono hã ti'ra na te te 're anhisi.

— Ni'wam norĩ ma, 're rowẽ uptabi za'ra mono di, 're i'ru'ru mono norĩ ma hã. E marĩ wa. Ta norĩ hã te za 'Re ihâimana u'âsi mono hã te te 're apẽ'ẽtété.

— Ni'wam norĩ ma, 're rowẽ uptabi za'ra mono di, da te tãma 're irob'manharĩ wasété za'ra mono norĩ ma hã, 'Re ihâimana u'âsi mono te te sima 're iwẽ mono zé te te 're 'manharĩ za'ra mono wa. E marĩ wa. Ta norĩ ma, te 're hâimana, Hâiwa ãma 're Isãmra mono, da'ãma 're isib'a'uwẽ mono zé hã.

— Ni'wam norĩ ma, 're rowẽ uptabi za'ra mono di, da'ãma 're isiwamri za'ra mono norĩ ma hã. E marĩ wa. Ta norĩ ãma te za 'Re ihâimana u'âsi mono hã 're pẽ'ẽzé.

— A norĩ wa'wa hã ĩzazei'wa 're anomro aba mono wa, da te ai'ãma 're wasété za'ra wa'aba mono wamhã, duré da te aima 're rob'manharĩ wasété za'ra wa'aba mono wamhã, duré siwa'ru marĩ na senai õ nherẽ, da te 're aiwasu'u wasété za'ra wa'aba mono wamhã, aima 're rowẽ uptabi za'ra wa'aba mono di. Tahawa, ma'ãpé asima rowẽ za'ra wa'aba. Aipawa'â hã sa'ẽtẽ uptabi na te asô tihâimana za'ra wa'wa, hâiwa ãma hã. Tô ãne aiwana za'ra wa'aba, 'Re ihâimana u'âsi mono zadawa 'mahârâ'wa norĩ 're ihâimana za'ra mono norĩ ma hã, ma tô da te tãma 're rob'manharĩ wasété za'ra.

— Ni'wam norĩ ma, 're rowẽ uptabi za'ra mono di, 'râwi tinhiptete na 're isi'madâ'â ze za'ra mono õ norĩ ma hã. E marĩ wa. Ta norĩ hã te za ti'a hã sima waibu, 'Re ihâimana u'âsi mono te te ãma tãma iropisutu za'ra hã.

— A norĩ wa'wa hã sa, dasai warĩrĩzé, ti'ai ãma dama hã. Tane nherẽ, sa hã wẽ nherẽ, wasété wamhã, e niha i'manharĩzé hã, wẽ na apâ hâimana da hã. Siwamnarĩ wamhã, marĩ dai õ di oto. Da te ime da si. Tawamhã te za oto da te 're wati'i za'ra, dasima iwẽ na, da te 're ro'rahâri za'ra mono sidâpâsi.

Tahawa, marĩ na upai ãna 're aihâimana za'ra wa'aba mono, Aimama 'wa marĩ na te te upai ãna 're ihâimana mono ne, hâiwa ãma 're isãmra mono hã.

Marĩ hã dama 're 'manharĩ za'ra wa'aba mono da wamhã, ãne si te za dama 're inha za'ra wa'aba mo: “Ĩhe.” Duré asima 're wẽ za'ra wa'aba mono õ wamhã: “Mare di.” Ã hã ãma 're sipa za'ra wa'aba mono wamhã, ta hã oto Iwasété Uptabi nhimiromhuri.

— Ma tô duré iwapari za'ra wa'wa, 'Re ihâimana u'âsi mono nhimiroti, ãne hã: “Ni'wa hã te te atõmo wamnarĩ wamhã, asa ito hã tiwi wamnarĩ. Duré, tane ni'wa hã te te ai'wa pru wamhã, asa i'wa hã tiwi pru na.” Tane nherẽ, wa za wa hã ãne aima waihu'u za'ra wa'wa: 'Re asi'rui wa'âbâ za'ra wa'aba mono tõ, ni'wam norĩ hã marĩ te te aima 're i'manharĩ wasété za'ra wa'aba mono norĩ ma hã. Ni'wa hã ai'ubu wi te te ai'azâri wamhã, tãma aipi'ra na, ihâiba amo niwĩ te te duré ai'azâri da.

Tahawa, atõmo nhimire niwĩmhã te te 're aiwasété mono wamhã, wazere. Me na asisiti. Iwẽ hã aihâiba na marĩ hã isimini da hã, aihâiba wahuré ré ropipa u i'aimorĩ nhipai u. Duré asib'rata nhimire hã te te 're aiwasété mono wamhã, sizâri. Me na asisiti. Iwẽ hã aihâiba na marĩ hã isimini da hã, aihâiba wahuré ré ropipa u i'aimorĩ nhipai u.