Popular Bible Verses from Joel 2

Share

Saymi TAYTA DIOS nin: <<Lapan shonquykikunawan perdonta manakayämashpayki makïman kutiyämuy. Jusayuq kayashqaykipita lakikur ayunayashpayki waqayay>>.

28 (3.1) <<Saypitanami Espïritüta lapan runakunaman kachamushaq. Saymi olqu surikikuna y warmi surikikunapis wilakuynïta wilakuyanqa. Awkinkunatapis sueñuyninkunachömi musyasishaq. Maqtakunapis revelaciontami rikayanqa.

Jusalikuyashqaykipita pësakur mödanaykikunata rachiyänaykipa trukanqa jusaykikunata kachariyay. Lapan shonquykikunawan kuyashuqniki TAYTA DIOSNINSI munashqanno kawayay. Payqa kuyapäkuq y perdonakuqmi kaykan. Imapitapis juklaqa manami rabyakunsu. Perdonayäshushpaykiqa manami castigayäshunkinasu.

32 (3.5) Sayno kaptinpis noqata manakamaq kaqtaqa pïmaytapis salvashaqmi. Promitishqänölami Sión lömacho kaykaq Jerusaléncho runakunata salvashaq. Qayashqä kaqkunataqa lapantami salvashaq>>.

31 (3.4) Intipis sakakäkunqami. Killapis yawarmanmi tikranqa. Saykuna kanqa juzganä junaq manaraq chämuptinmi. Say junaqqa seqaypa mansariypaqmi kanqa.