Popular Bible Verses from Aos Colossenses 3

Share

Epeyewebuywatwan cuy soat em. Eyxeat warẽmtag̃ eykug̃ pima, ixe epejomuymuy g̃u juy. G̃ebum g̃u juy epesop apẽn cuk adi warẽmtag̃ eykuk iap kay. Wuykukukat Jesus g̃ebum g̃u apẽn cuk adi ikẽrẽat ag̃ujurũg̃rũg̃ iap kay. Ixe buxim cuy eyju dak g̃ebum g̃u epesop apẽn cuk adi warẽmtag̃ eykuk iap kay.

Ijodiacat eju g̃u mũg̃'i eyju jekukum―Cristo eju acã mũg̃'i eyju jekukum. Imẽnpuye ijoceap kay g̃u juy epeyewag̃uyg̃uy―kabi beat kay acã. Pũg̃ tag̃ ma jewag̃uyg̃uy ip Deus, Cristo dak. Ixeyũ ag̃uy dag̃ eyju dak jewag̃uyg̃uy g̃asũ bit, Cristo eju mũg̃'i eyju jekukum puye. Iboap ibapuk g̃u itabut'ũmayũ xe. Iba'arẽm iboap cexe ip.

Eycokcog̃ cuy eyekapikap epejukuk. G̃ebum cuy epesop ijodiacat peam acã g̃u õn kapikpig̃ iap kay. Wuykukukat peam tak õn kapikpig̃ iap kay g̃ebum cuy epesop.

Deus ebekitkit eyju. Deus xe eykukpin cĩcã epesop. Ixe juk eynaẽ jewekay am. Imẽneju eyetabotaidabotbon cuy epesop eyewewekay. Xipan cuy epeyewewekuk. Yobog̃an pin g̃u juy epesop Eyekawẽnkẽrẽm g̃u juy epesop―eyekawẽntim ma. Eyukpiceg̃ẽm g̃u juy epesop eyewewekay.

Soat em Cristo ekawẽn tag̃ cuy epekuku. Xipat cekawẽn tag̃ wuyeku am wuyju idip cĩcãat kug̃at puxim. Soan cuy jewemutaybitbin epesop. Soan cuy jewemukũyjobitbin tak epesop. Soat em cuy pibododon epesop Deus kay. “Cristo soat podi ma ya'õbuyxi” i'e pin pima, epeyebibododon cuy, “Cristo acã wuykukukat” i'e pin pima dak, eycokcok pima dak Cristo kay eyetabut puye, “Ẽn xipat cĩcã” i'e pin pima dak Deus pe. Deus biõg̃buk a'õbi juy pibododon epesop. Imẽneju soat em cuy epekuku wuykukukat Jesus a'õ dag̃. Soat em cuy epeyekawẽnwẽn ixe a'õ dag̃. Soat em: — Ẽn xipat cĩcã — i juy epe'e'e wuyebay be―Deus pe, wuykukukat Jesus oe'ũ buye.

Xipan eyekukuap xipat Deus xe. Ibodi ma bit xipat eywebe xipan eyewewekuk am. Xipan jewewekug̃ pima, wara'at tag̃tag̃tag̃ g̃u epekuku―pũg̃ tag̃ ma.

Waram o'jetaitiat puxim eyju Cristo eju mũg̃'i jekukum puye. Imẽnpuye eyetabikum cuy epesop kabi beat kay. Iboce Cristo omuy Deus xe xik'i ya'õbuyxiat tũyap pe, Deus co'i ya'õbuyxi buye.

Cristo juk wuymuwexat jebekitkiyũm pũg̃ tag̃ ma wuyeku am. Ixe wuyag̃uymubabibin wuyag̃uybabi'ũmap puxim. Ãg̃ cuy ixe jeyag̃uymubabin. Ixe be eyag̃uymubabin puje xipan epeyewekuk. Pũg̃ tak ma dak epeyewag̃uy. Soat em: — Bay, ẽn xipan cĩcã ocekug̃ — i juy epe'e'e Deus pe.

Imẽneju ikẽrẽat epeg̃ug̃ẽ g̃u juy. Ikẽrẽat mug̃ẽg̃ẽ pin eyju Deus kay'ũmat puxim. Epeg̃ug̃ẽ g̃u bit. Warara'acat tayxi eju epeyepo g̃u juy. Warara'acat itop eju epeyepo g̃u juy. Ikẽrẽãn cuy epeyekaypatpan g̃u. Ikẽrẽat epeg̃ujurũg̃ g̃u juy eyemumukaypin pu am. Aoyũ kaykay g̃u juy epesop. Eyetabikukum g̃u juy epesop warara'acat pubut kay. Wuyetabikukuap ikẽrẽat Deus xe deusbaroyũ kay wuyetabucap puxim.

Ijodiacat eju g̃u mũg̃'i eyju jekukum―Cristo eju acã mũg̃'i eyju jekukum. Imẽnpuye ijoceap kay g̃u juy epeyewag̃uyg̃uy―kabi beat kay acã. Pũg̃ tag̃ ma jewag̃uyg̃uy ip Deus, Cristo dak. Ixeyũ ag̃uy dag̃ eyju dak jewag̃uyg̃uy g̃asũ bit, Cristo eju mũg̃'i eyju jekukum puye. Iboap ibapuk g̃u itabut'ũmayũ xe. Iba'arẽm iboap cexe ip.

G̃asũ bit ijop epeyepere. Eyetakomãm g̃u juy epesop warara'acat kay. Aoyũ kaykay g̃u juy. Eysapka'orerem g̃u juy epesop. Warara'acat epejomuymuy g̃u juy. Eyekawẽnkẽrẽm g̃u juy epesop―pũg̃ em tak ka'ũma.

Cristo kay eyetabut puje, yag̃uy'suayũm epesop. Kuy bima eyag̃uyokok cuk adi epekuku. Eyag̃uyokok g̃u juy epekuku g̃asũ bit. Deus soat em wuyag̃uymuisusun wuywebe jejo'i i'e am. G̃uyjom Deus ag̃uy dag̃ acã g̃ebum acesop. Big̃ ma wuyetaybit ace'e Deus e'e am. Napa g̃u juy epe'e'e eyewewebe.

Tapupuyũ, ikukpin cuy eytayxiyũ epejukuk. Xipan cuy ip epejukuk.

Bekitkit, kũyjobin cuy epesop eyebay a'õ kay soat em, eyxi a'õ kay dak. Wuykukukat icokcok e'em eyebay a'õ kay bima.

Tũ'ũ'ũyũ, kũyjobin cuy epesop eyitopyũ a'õ kay. Kũyjobin cuy epesop ya'õ kay ip wuykukukat Jesus kay eyetabut puye.