Popular Bible Verses from Tito 2

Share

Topẽ tóg ẽg jagãgtãn sór mũ, ẽprã ke kar ag. Kỹ tóg ẽg kren han sór mũ. Hã jé Jesus tóg kãtĩg ja nĩ. Kỹ tóg ẽg kanhrãn sór mũ gé, ẽg tỹ ti kato tẽ tũ nĩ jé, ẽg tỹ nén to én sór mũ ẽn han tũ nĩ jé gé, ẽg tỹ ga kri mũn kỹ, ẽg tỹ vẽso jykrén jé, vẽjykre kuryj han jé, Topẽ jykre ti.

Ti kãtĩg ve sór ẽg nỹtĩ, hã kỹ tóg ẽg mỹ sér tĩ. Tỹ ti pã'i mág tãvĩ nĩ, Topẽ ti. Tar tãvĩ ti nĩ, ẽg kren han tĩ tỹ Jesus Cristo ti ke gé. Ti ve jé ẽg tóg ke mũ. Kỹ tóg sér tãvĩ tĩnh mũ. Ẽg jagfy tóg ter ja nĩ, ti tỹ ẽg jykre kórég ẽn tỹ tũ' he jé. Kỹ tóg ẽg kykũg mũ, ẽg jãnhkri nỹtĩ jé. Kỹ ẽg tóg tỹ ti tũ nỹtĩ sir, vyr mỹ. Ẽg pijé tỹ ũ tũ nỹtĩ ha'.

Tag han nĩ gé, Tito', vẽnh kar tỹ ã jykre há tag ve kỹ ã kóm vẽjykre há han sór jé gé. Ã tỹ ag kanhrãn kỹ ki hã tóm nĩ. Kanhir kỹ vĩ tũg nĩ. Topẽ vĩ tó há han nĩ, ũ tỹ ã to: “kygnẽ ti huri,” he tũ nĩ jé. Kỹ ũ tỹ ẽg kato tẽ mũ ag vỹ nén ũ tónh ke tũ nĩ. Kỹ tóg ag mỹ'a tĩnh mũ, ag tỹ ón kỹ ẽg kato vĩ ja nĩn kỹ.