Popular Bible Verses from Tito 1

Share

“Topẽ ki kanhró ẽg tóg nỹtĩ,” he ag tóg tĩ, ón kỹ. Hã ra ag tóg ti jykre han tũ nĩgtĩ. Ag tỹ ti jykre han vãnh ki ẽg tóg vég tĩ, ag ón mũ ti. Ũ tỹ ge to ti kórég nĩ, Topẽ ti.

Ha vé, ũ tỹ vẽjykre kuryj han mũ mỹ tóg kuryj kar nĩ. Jãvo ũ tỹ vẽjykre pãno han mũ mỹ tóg pãno kar nĩ gé. Kỹ ag tóg ag jykre pãno to: “há ti nĩ,” he tĩ. Jãvo ag tóg vẽjykre há to: “kórég ti nĩ,” he tĩ gé.

Topẽ vĩ mẽ ja tóg nĩ. Kỹ ti tỹ tag kã jatu tũ nĩn kỹ tóg há tĩ gé. Kỹ tóg ũ tỹ ti vĩ mẽg mũ ag kanhrãn há han ke mũ gé. Ũ tỹ ti vĩ kafãn mũ mỹ tóg tó há han ke mũ gé.

Ha vé, ũ tỹ tỹ igreja to kófa jẽ sór kỹ tóg tỹ ũn jykre há nĩnh mũ. Ti tỹ ti mré ke ag to: “ag kãfór vỹ tỹ inh nĩ,” henh ke tũ vẽ. Ũn fe tỹ gỹm ke (ka)mẽ vỹ há tũ nĩ, ũ tỹ vinho kron (ka)mẽ ti, ũn jũ (ka)mẽ ti. Kỹ tóg ti tỹ riko nĩnh ke hã to én ke tũ nĩ gé. Ti tỹ ũ tỹ kuvar há tá kãmũ ag mỹ: “inh mré jẽ,” hen kỹ tóg há tĩ, ti tỹ vẽjykre há to há nĩn kỹ, ti tỹ vẽso jykrén kỹ, vẽjykre kuryj han kỹ, Topẽ vĩ hã ki króm kỹ.

Ũn kãme kórég tũ jãvanh nĩ, ũn prũ pir han kỹ nĩ ti. Ti krẽ tỹ Jesus ki rã kỹ nĩn kỹ tóg há tĩnh mũ, ag tỹ nén ũ vẽnh mỹ han tũ nĩn kỹ, ag tỹ ag panh vĩ jẽmẽn kỹ.