Popular Bible Verses from Mateo 9

Share

Yuxan jix yal tet ebꞌ scuywom jaxca tiꞌ: —Jaꞌ ebꞌ ánima tiꞌ, stiempoal yiꞌle a ebꞌ tinaniꞌ, jaxca ixim tiriw stiempoal xa scꞌuplei. Caw yel caw listo cꞌal yeoc ebꞌ, asan xin, jaywanne pax mac lalan smulna xol ebꞌ. Yuxan, txalanwej tet naj a mulnail tiꞌ, yet watxꞌ tol chi ẍejtej ebꞌ smulnawom xol ebꞌ, ẍi Jesús tet scuywom.

Asiꞌwej, otajnewej el tzet chi yal yeloc apnoj jun kꞌane yul An Juun Tzꞌibꞌebꞌilcanoj* bꞌey chi yal jaxca tiꞌ: “Chi woche tol chi okꞌ je cꞌul yin je yet animail. Man asanne oj xaambꞌal chi woche,” ẍi yul An Juun tuꞌ. Man yu oj wawten ebꞌ watxꞌ sbꞌeybꞌal snaꞌoni, yuxan jix jin jul an, jix jin jul yu wawten ebꞌ chi yotajnen el sbꞌa tol penawom ebꞌ, /yet watxꞌ chi snaꞌ sbꞌa scꞌul ebꞌ yin spenail,/ ẍi Jesús tet ebꞌ.

Jaꞌ yet jix yilon ebꞌ ánima Naj Jesús, jix cusa scꞌul naj yin ebꞌ. Yutol laan yili ebꞌ jaxca junoj bꞌulan noꞌ meꞌ cꞌam yilomal. Eoc ebꞌ yin somcꞌulal cꞌal yin syaꞌtajilal jix yil Naj.

Jix cꞌal yabꞌ Jesús jaxca tuꞌ xin, catuꞌ jix takꞌwitoj tet ebꞌ, jix yalon jaxca tiꞌ: —Cꞌam yopiso junoj anwam yu ebꞌ watxꞌ scꞌul, asan ebꞌ yaꞌey, jaꞌ ebꞌ tuꞌ ey yopiso yu.

Jix ecꞌ Jesús yul-laj masanil conobꞌlaj cꞌal yul-laj aldealaj, catuꞌ jix cuywa can yul-laj snail sculto ebꞌ Israel. Jix yalel watxꞌ kꞌane yu tzet chi yun yoc Dios Yaawiloj ebꞌ ánima. Jix yakꞌ pax can waꞌxoj scꞌul ebꞌ ánima yin yal cꞌal tzet yaꞌbꞌilal chi ioni.