Popular Bible Verses from Mateo 8

Share

—¿Tzet yuxan caw chex xiwi? ¿Tzet yuxan cꞌam che yaoc je cꞌul yin Dios? ẍi Naj Jesús tet ebꞌ. Jix lawi tuꞌ xin, catuꞌ jix a waan Jesús tuꞌ. Catuꞌ jix stenon oc tucan jun kaꞌeꞌ, cꞌal jaꞌ mar tuꞌ. Catuꞌ jix sjijen yoc tucan yu, tzꞌinini xacꞌal.

Jal naj capitán tuꞌ, jix takꞌwi tet Jesús jaxca tiꞌ: —Mamin, man jin moo oj chach oc yul jin na an. Asanne ojabꞌ tol chach kꞌanabꞌtoj titiꞌ, catuꞌ oj waꞌxoj can scꞌul naj jin mooso tuꞌ an.

Jaꞌ yet jix yilon Jesús tol caw chi yaoc scꞌul naj capitán tuꞌ yin, jix qꞌueya scꞌul, yuxan jix yal tet ebꞌ tzajan oc yintaj jaxca tiꞌ: —Caw yel chi wal ey jex an, cꞌamto junoj wet a Israel jix wil yaon oc scꞌul yin Dios jaxca jun winaj tiꞌ.

Jix lawi yalon jun tuꞌ xin, catuꞌ jix yalon Jesús tet naj capitán tuꞌ jaxca tiꞌ: —Tinaniꞌ, paxan bꞌey ja na, oj yun cꞌaltaꞌ tzet jix ja waoc yin ja cꞌul, ẍi Jesús tet naj. Jix waꞌxi xacꞌal scꞌul jun smooso naj capitán tuꞌ yet jun txolan tuꞌ.

—¿Tzet la ye jun winaj tiꞌ? yuxan chi yal tet kaꞌeꞌ yetoj jaꞌ mar, catuꞌ chi sjijen tet, ẍi ebꞌ.