Popular Bible Verses from EKLESIASTA 3

Share

Xilo xin'wana ni xin'wana xi ni nkarhi wa xona, kutani nkarhi wu kona wa hinkwaswo leswi endliwaka ehansi ka tilo.

Nkarhi wu kona wa ku velekiwa wu kona nkarhi wa ku fa, nkarhi wu kona wa ku simeka, wu kona nkarhi wa ku tsuvula leswi simekiweke. Nkarhi wu kona wa ku dlaya, wu kona nkarhi wa ku horisa; nkarhi wu kona wa ku hlanhla, wu kona nkarhi wa ku aka.

Nkarhi wu kona wa ku rila, wu kona nkarhi wa ku hleka, nkarhi wu kona wa ku kolola, wu kona nkarhi wa ku cina. Nkarhi wu kona wa ku hoxa maribye wu kona nkarhi wa ku rholela maribye, nkarhi wu kona wa ku ntswontswa, wu kona nkarhi wa ku tshika ku ntswontswana.

nkarhi wu kona wa ku handzula, wu kona nkarhi wa ku rhunga; nkarhi wu kona wa ku hlayisa, wu kona nkarhi wa ku cukumeta; nkarhi wu kona wa ku miyela, wu kona nkarhi wa ku vulavula; nkarhi wu kona wa ku rhandza, wu kona nkarhi wa ku venga; nkarhi wu kona wa nyimpi, wu kona nkarhi wa ku rhula.

Nkarhi wu kona wa ku lava, wu kona nkarhi wa ku lahlekeriwa

Ndza swi tiva leswaku hinkwaswo leswi endliweke hi Xikwembu swi tshama hilaha ku nga heriki; a ku na xilo lexi nga engeteriwaka kona ni lexi nga susiwaka kona; kutani Xikwembu xi endla sweswo leswaku nchavo wu va kona emahlweni ka xona.

Ndzi ku embilwini ya mina: Xikwembu xi ta avanyisela la lulameke ni lowo biha, hikuva hinkwaswo leswi endliwaka, ni mitirho hinkwayo swi vekeriwe nkarhi wa kona.