Popular Bible Verses from EKLESIASTA 4

Share

Vambirhi va tlula un'we, hikuva va ni hakelo leyinene ya ntirho wa vona. Hambi va wa, un'wana u ta pfuxa nakulobye; kasi la nga swakwe u ni khombo, loko a wa, a nga na wa vumbirhi la n'wi pfuxaka.

Hambi un'wana a nga ta pfukela la nga swakwe matimba, loko va ri vambirhi va nga n'wi hlula; na rona ringhole ra miluko minharhu a ri hatlisi ku tsemeka.

Na swona, loko vambirhi va etlela kun'we va kufumela, kambe la nga swakwe a nga kufumerisa ku yini xana?

Xandla xi ri xin'we lexi teleke hi ku wisa, xi sasekile ku tlula swandla swimbirhi leswi teleke hi ku karhala ni ku landza mheho.

Kambe ndzi tsundzukile ntirho hinkwawo ni ntirho wihi ni wihi lowu nga ni vutlhari, kutani ndzi vonile leswaku munhu un'wana u ni mona eka un'wana. Na swona i swahava ni ku landza mheho.

N'wana la tlhariheke wa xisiwana u tlula hosi leyi dyuhaleke ya xiphukuphuku, leyi nga riki na ku tsundzuxiwa.