Popular Bible Verses from KubaseKholose 2

Share

Ngako-ke njengobe senemukele iNkhosi Jesu Khristu, hambani nikuye, nisime ngekugcila, futsi nakhelwe kuye, niciniswe ekukholweni, njengaloku nifundzisiwe, nivame kubonga.

Caphelani-ke kutsi kubete lonitfumba ngekuhlakanipha, nangekukhohlisa lokulite, aniyenge ngemikhuba yebantfu nangetimfundziso temimoya yemvelo emkhatsini. Konkhe loko kuphambene nendlela yaKhristu.

Nani-ke lebenifile ngekona kwenu nangekungasoki emtimbeni wenu, Nkulunkulu sewanenta labaphilako kanye naye ngekunitsetselela tonkhe tono tenu. Wesula incwadzi yemacala etfu leyayimelene natsi ngemitsetfo yayo, wayisusa ngekuyibetsela esiphambanweni.

Emtimbeni waKhristu kuhlala kuphelela konkhe kwebuNkulunkulu. Nani-ke seniphelelisiwe kuye, yena loyinhloko yemibuso neyemandla onkhe.

Ngako-ke akubete umuntfu lonilahla ngekudla nangekunatsa, nome ngemikhosi, nangekwetfwasa kwenyanga, nome ngemaSabatha. Loko bekusitfunti nje saloko bekuta, lokungiko sibili ngulokukuKhristu.