Popular Bible Verses from KubaseKholose 1

Share

Wasikhulula emandleni ebumnyama, wasibeka embusweni weNdvodzana yakhe letsandzekako.

Ngobe konkhe kwadalelwa kuyo, lokusezulwini nalokusemhlabeni, lokubonakalako nalokungabonakali, nome-ke kutihlalo tebukhosi, nome kubukhosi, nome babusi, nome tiphatsimandla. Konkhe kwadalwa ngayo, futsi kwadalelwa yona.

Yona ikhonanchanti kwako konkhe, tonkhe tintfo time ngayo.

INdvodzana ingumfanekiso waNkulunkulu longabonwa ngemehlo enyama, futsi ngiyo yematubulo ayo yonkhe indalo.

Kanjalo-ke natsi, kusukela mhlazana siva ngani, asizange siyekele kunithandazela, sinincusela kutsi niphelele ekwatini intsandvo yaNkulunkulu ngekuhlakanipha nekucondza konkhe kwaMoya. Sinicelela nekutsi niphile imphilo lefanele naletsandzekako eNkhosini, nitsele titselo emsebentini wonkhe lolungile, futsi nikhule nasekumatini Nkulunkulu.