Popular Bible Verses from Roma 13

Share

A ‘ia ‘outou ‘o‘ofu i le Ali‘i o Iesu Keriso; ‘aua fo‘i le sauniuni mo le tino, e o‘o ai ona tu‘inanau.

‘Aua ne‘i ‘iā te ‘outou se mea e tasi a se tasi tagata; ‘ae tau lava o le fealofani; auā ‘ai sē alofa atu i se tasi tagata, ‘ua ‘ato‘atoa ‘ona faia e ia o le tulafono.

‘Ia usiusita‘i tagata uma i faipule silisili; auā e leai se pule pe ā lē mai le Atua; o pule uma lava o lo‘o fai nei, ‘ua fa‘atūina e le Atua.

‘Ua leva le po, ‘ua lata mai le ao; o lea ‘ia tatou fa‘ate‘a ‘ese ai galuega o le pogisā, a ‘ia tatou ‘o‘ofu i ‘ofu tau o le malamalama.

E lē agaleaga atu le alofa i lē la te tuā‘oi; o lenei, o le alofa o le ‘ato‘atoa lea o le tulafono.

O lenei, ‘ia avatu i tagata uma lava a latou mea; o le lafoga i ē ‘ua tatau i ai le lafoga; o le tiute i ē ‘ua tatau i ai le tiute; o le mata‘u i ē ‘ua tatau i ai le mata‘u; o le fa‘aaloalo i ē ‘ua tatau i ai le fa‘aaloalo.