Popular Bible Verses from Roma 14

Share

Auā o le mālō o le Atua, e lē o mea e ‘ai ma mea e inu; a o le amiotonu ma le filemū ma le ‘oli‘oli i le Agaga Pa‘ia. Auā o lē ‘ua ‘au‘auna atu ‘iā Keriso i ia mea, ‘ua fiafia i ai le Atua, ‘ua ta‘uleleia fo‘i o ia e tagata.

auā ‘āfai tatou te ola, tatou te ola mo le Ali‘i, pe ‘āfai ē oti, e oti mo le Ali‘i; o lenei, pe ola pe oti i tatou, o tagata lava o le Ali‘i i tatou.

O lenei, ‘ia tatou tausisi i mea e tupu ai le filemū, ma mea e fēfa‘amafanafana a‘i.

O lenei, ‘aua ne‘i tatou toe fefa‘amasinoa‘i; ‘ae lelei ‘ina ‘ia manatu i lenei lava mea, ‘aua ne‘i tu‘u ane e se tasi se mea e tausuai ai, po o se mea e tautevateva ai lona uso.

Auā ‘ua tusia, “‘Ua fetalai mai le Ali‘i, ‘ou te ola a‘u, e to‘otuli mai ‘iā te a‘u o tulivae uma lava, e ta‘uta‘u mai fo‘i o laulaufaiva uma lava i le Atua.” O lenei, e ta‘itasi i tatou na tala i lana amio i le Atua.

‘Ia ‘outou talia lē ‘ua vaivai i le fa‘atuatua, ‘ae lē ‘ina ‘ia fa‘amasinoina o māsalosaloga.

O ai ‘ea oe lē fa‘amasino atu i le ‘au‘auna a le tasi? E tumau ia pe pa‘ū i lona lava ali‘i; ‘ae fa‘atumauina lava ia, auā e mafaia e le Atua ‘ona fa‘atumau ‘iā te ia.