Popular Bible Verses from Fa‘ata‘oto 18

O le oti ma le ola, o lo‘o i le pule a le laulaufaiva ia; o ē manana‘o i ai latou te ‘a‘ai i lona fua.

O le suafa o le ALI‘I, o le ‘olo malosi lea; e sola atu i ai lē amiotonu, ‘ona sao ai lea o ia.

O le tagata ‘ua fai ana uō, e i‘u ‘ina tigāina ai o ia, a o i ai le tagata alofa e sili ona pipi‘i mai i lo le uso.

O lē ‘ua maua le avā, ‘ua maua e ia le mea lelei; ‘ua maua fo‘i e ia le alofa mai le ALI‘I.

O lē na te tali atu i le ‘upu, a o le‘i fa‘alogo i ai, e fai lea mōna valea ma mea e fa‘amāina ai o ia.

E lē mana‘o le vale i le fa‘autauta; ‘ua na ‘ona ia fa‘aali o lona loto.

E muamua ‘ona fa‘amaualuga o le loto o le tagata i le malaia o ia; ‘ae muamua le fa‘amaulalo i le mamalu.