Popular Bible Verses from Fa‘ata‘oto 19

E tele mafaufau o lo‘o i le loto o le tagata; a o le pule a le ALI‘I, e tumau lava lea.

O lē ‘ua alofa i le tagata mativa, na te avatua ana mea i le ALI‘I; e tauia mai fo‘i e ia ana mea na avatu ‘iā te ia.

O le mafaufau o le tagata e fa‘agesegese ai lona ita; o lona vi‘iga fo‘i lea, ‘ina ‘ua lē manatua lona agaleagaina.

‘Ia e fa‘alogo i le fa‘atonu mai, ma e talia le a‘oa‘o atu; ‘ina ‘ia e poto ai pe a o‘o i ou tausaga amulī.

O le mata‘u i le ALI‘I e i‘u lea i le ola; o lē ‘ua i ai, e mā‘ona pea o ia; e le a‘afia o ia e le mala.

O lē ‘ua maua le poto, ‘ua alofa o ia ‘iā te ia lava; o lē ‘ua tausi le fa‘autauta, e maua e ia le mea lelei.

A‘oa‘i atu i lou atali‘i, manū o fai sou fa‘amoemoe; ‘ae ‘aua le naunau lou loto ‘ia oti ai o ia.

E lē fa‘asaoina le molimau pepelo; ma lē ‘ua tala pepelo, e fano lava o ia.