Popular Bible Verses from Fa‘ata‘oto 15

O le tali filemū e liliu‘eseina ai le ita; a o le ‘upu fa‘atigā e tupu ai le ita.

O le mata‘u i le ALI‘I, o le a‘oa‘oina lea e poto ai; e muamua fo‘i le fa‘amaulalo i le vi‘ia.

O le laulaufaiva e mālōlō ai, o le la‘au o le ola lea; a o le laulaufaiva fa‘api‘opi‘o e momomo ai le loto.

E fa‘alēaogāina mafaufauga pe a leai se filifiliga; ‘ae fa‘atumauina i le to‘atele o faipule.

O le loto fiafia e tupu ai mata fiafia; a o le loto fa‘anoanoa e momomo ai le agaga.

O lo‘o i mea uma lava fofoga o le ALI‘I; o lo‘o matuā silasila i ē amio leaga ma ē amio lelei.

E sili ‘ona lelei o se mea itiiti, a o i ai le mata‘u i le ALI‘I, i le ‘oloa tele, a o i ai le atuatuvale.

O le tagata lotoa, na te fa‘atupuina le misa; a o lē fa‘ato‘ato‘a e tu‘u lelei ‘iā te ia le finauga.

E mānatunatu le loto o lē amiotonu, ‘ina ‘ia fai se tali; a o gutu o ē amio leaga, e luai mai ai mea leaga.