Popular Bible Verses from Fa‘ata‘oto 14

O i ai le ala ‘ua tonu i le manatu o le tagata; a o lona taunu‘uga, o ala ia e oti ai.

O le loto lelei, o le ola lea o le tino; a o le matau‘a, o le mea lea e pala ai ivi.

O lē ‘ua fa‘ato‘ato‘a, e tele lona mafaufau; a o le ‘ua itagofie, e fa‘aeaina i luga e ia le valea.

E ta‘itasi uma, fafine popoto ma atiina a‘e lona fale; a o le fafine valea na te lepetia ai i ona lima.

O lē mata‘u i le ALI‘I, o i ai le fa‘atuatuaga malosi; o i ai fo‘i le malu mo lana fānau.

O lē mata‘u i le ALI‘I, o le puna o le ola lea, e ‘alo ‘ese ai i mailei e oti ai.

‘Ua mata‘u le tagata poto ma ‘alo ‘ese i le leaga; a o le vale ‘ua fa‘amaualuga o ia ma nofo fa‘atalanoa.