Popular Bible Verses from Fa‘ata‘oto 16

‘Ia e tu‘uina atu i le ALI‘I o au galuega; ‘ona fa‘amauina ai lea o ou mānatunatuga.

E filifili i le loto o le tagata lona ala; a o le ALI‘I na te fa‘atonuina le mea e ui ai o ia.

O ‘upu matagofie, o le meli ‘ua sisina ifo ia; e suamalie i le loto ma le mea e mālōlō ai ivi.

O lo‘o i le tagata sauniga o le loto; a o lo‘o mai le ALI‘I le tali a le laulaufaiva.

E sili ‘ona lelei o lē ‘ua gesegese i le ita i lē ‘ua malosi; e sili fo‘i lē ‘ua pule i lona loto i lē na te ā‘ea le ‘a‘ai.

E muamua le fa‘amaualuga i le malaia; e muamua fo‘i le loto fa‘asiasia i le pa‘ū.

O ala uma o le tagata, e lelei ia i lona lava manatu; a o le ALI‘I, na te fuatia loto.

O lē ‘ua fa‘autauta i se mea, e maua e ia le mea lelei; o lē fa‘atuatua fo‘i i le ALI‘I, ‘amu‘ia o ia.

E sili ‘ona lelei o se mea itiiti, a o i ai le amiotonu, i mea e tele pe a le o i ai le tonu.

O i ai le ala ‘ua tonu i le manatu o le tagata; a o lona taunu‘uga, o ala ia e oti ai.

O le tagata fa‘api‘opi‘o, e fa‘atupuina e ia le misa; ma lē fa‘atuaupua, na te fa‘ate‘a‘eseina uō.