Popular Bible Verses from Mataio 9

Share

‘Ona fetalai atu lea o ia i ona so‘o, “E tele le saito e seleseleina, a o le ‘au faigaluega e to‘aitiiti ia; o lea ‘ia ‘outou ‘ai‘oi atu ai i le Ali‘i e ana le saito e seleseleina, ‘ina ‘ia ‘a‘auina mai e ia ni ē galulue i lana saito e seleseleina.”

‘Inā ō ia, ‘inā a‘oa‘o po o le a le uiga o lea ‘upu, ‘‘Ou te loto i le alofa, ‘ae lē o le taulaga.’ Auā ‘ou te le‘i sau e vala‘au i ē ‘ua amiotonu, a o ē ‘ua agasala ‘ina ‘ia latou salamō.”

‘Ua silafia e ia le motu o tagata ‘ona mutimutivale ai lea o lona alofa ‘iā te i latou, ‘ona ‘ua lailoa i latou ma tu‘ulafoa‘iina, e pei o mamoe e leai so latou leoleo.

A ‘ua lagona e Iesu, ‘ona fetalai atu ai lea o ia ‘iā te i latou, “E lē aogā le foma‘i i ē mālōlō, na o ē mama‘i.

‘Ua fa‘ata‘amilo Iesu i ‘a‘ai uma ma faoa ‘a‘ai, ‘ua a‘oa‘o i o latou sunako ma tala‘i le tala lelei o le mālō, ‘ua ia fa‘amālōlō fo‘i i ma‘i uma ma ma‘i tigā uma o le nu‘u.