Popular Bible Verses from Mataio 8

Share

‘Ona fetalai atu ai lea o Iesu ‘iā te i latou, “Se a le mea ‘ua ‘outou matata‘u ai, ‘outou ē fa‘atuatua itiiti?” ‘Ona tula‘i ai lea o ia, ‘ua vavao i le matagi ma le vai, ‘ona tele ai lea o le malū.

‘Ua tali mai le ta‘ita‘i o le to‘aselau, ‘ua fa‘apea mai, “Le Ali‘i e, e lē aogā a‘u ‘ona e ulufale atu i lo‘u fale; tau lava ‘ina o‘o mai sau fetalaiga, e mālōlō ai la‘u ‘au‘auna.

‘Ua fa‘afofoga i ai Iesu, ‘ona ofo ai lea, ‘ua fa‘apea atu fo‘i i ē ‘ua mulimuli mai, “E moni, ‘ou te fai atu ‘iā te ‘outou, ‘ou te le‘i iloa ‘iā Isaraelu lava se fa‘atuatua e fa‘apenā ‘ona tele.

‘Ona fetalai atu ai lea o Iesu i le ta‘ita‘i o le to‘aselau, “‘Inā alu ia, e pei ‘ona e fa‘atuatua, ‘ia fa‘apea lava ‘ona faia mo oe.” ‘Ona mālōlō ai lea o lana ‘au‘auna i lea lava itū aso.

‘Ona taufaiofo ai lea o tagata, ‘ua fa‘apea ane, “Pe se ā le uiga o lenei tagata auā ‘ua usiusita‘i ‘iā te ia le matagi ma le vai.”