Popular Bible Verses from Mataio 10

Share

“Fa‘auta, ‘ou te ‘a‘au atu ‘iā te ‘outou e pei o mamoe i le vā o luko; o lenei, ‘ia ‘outou atamamai pei o gata, a ‘ia fīfīlemū pei o lupe.

O lē maua lona ola, e māumau ai ‘iā te ia. O lē fa‘amaumau i lona ola ‘ona o a‘u, e maua e ia.

‘Aua fo‘i tou te matata‘u i ē fasioti le tino, ‘ae latou te lē mafaia ‘ona fasioti le agaga; ‘ae lelei ‘ona ‘outou matata‘u i lē ‘ua mafai ‘ona fano ‘iā te ia le agaga ‘atoa ma le tino i Kēna.

O sē lē ‘ave lona satauro ma mulimuli mai ‘iā te a‘u, e lē aogā fo‘i lea ‘iā te a‘u.

“O lenei, ‘ai sē na te ta‘uta‘u a‘u i luma o tagata, o a‘u fo‘i ‘ou te ta‘uta‘uina o ia i luma o lo‘u Tamā o i le lagi. ‘Ai sē fa‘afiti fo‘i ‘iā te a‘u i luma o tagata, ‘ou te fa‘afitia fo‘i o ia i luma o lo‘u Tamā o i le lagi.

‘Ia ‘outou fa‘amālōlō i ē mama‘i, fa‘amamā lepela, fa‘atutū i ē ‘ua oti, tutuli i temoni. ‘Ua maua fua ‘outou, ‘ia ‘outou foa‘ifuaina atu.

O lea ‘aua tou te matata‘u ai; e sili ‘outou i manu iti e tele.

“‘Aua tou te mānatunatu ‘ua ‘ou sau e avatu le filemū i le lalolagi; ‘ou te le‘i sau e avatu le filemū, a o le pelu.