Popular Bible Verses from Mataio 3

Share

‘Ia ‘outou fua mai ni fua e tatau ma le salamō

Fa‘auta fo‘i, o le si‘ufofoga mai le lagi, ‘ua fa‘apea mai, “O lo‘u Atali‘i pele lenā, ‘ua ‘ou fiafia lava ‘iā te ia.”

‘Ua papatisoina Iesu, ‘ona maliu a‘e loa lea o ia nai le vai, fa‘auta fo‘i, ‘ua fa‘aavanoaina le lagi ‘iā te ia, ‘ua ia iloa atu fo‘i le Agaga o le Atua ‘ua afio ifo e peiseaī se lupe, ‘ua o‘o i ona luga.

“O a‘u nei, ‘ou te papatiso atu ‘iā te ‘outou i le vai ‘ina ‘ia salamō; ‘ae peita‘i o lē mulimuli mai e silisili o ia ‘iā te a‘u, e lē aogā a‘u ‘ona tau‘ave i ona se‘evae; o ia lea na te papatisoina atu ‘iā te ‘outou i le Agaga Pa‘ia ma le afi.

O lo‘o tu‘u nei fo‘i le to‘i i tafu‘e o la‘au; o la‘au uma fo‘i e lē fua mai i fua lelei, e taia ma lafoina i le afi.

Auā o ia lava lenei na fai mai ai le perofeta o Isaia, ‘ua fa‘apea mai, “O le leo o lē ‘ua ‘alaga i le vao: ‘‘Inā teuteu ia e ‘outou le ala o le Ali‘i, ‘ia fa‘alaulelei ona ala.’”