Popular Bible Verses from Mataio 2

Share

‘Ua latou ulufale atu i le fale, ‘ua latou iloa ai le tamaitiiti ma Maria lona tinā, ‘ona latou fa‘apa‘u‘ū ai lea, ma ifo atu ‘iā te ia; ‘ua talai fo‘i o latou ‘oloa ‘ona latou avatu ai lea ‘iā te ia o mea alofa o le auro, ma le pulu lipano, ma le pulu muro.

‘Ua fānau Iesu i Peteleema i Iutaia i ona po o Herota le tupu, fa‘auta, ‘ua o‘o mai ai makoi mai sasa‘e i Ierusalema, ‘ua fa‘apea mai, “Po o fea o i ai lē ‘ua fānau mai o le tupu o tagata Iutaia? auā ‘ua matou va‘aia lona fetū i sasa‘e ‘ua matou ō mai ai e ifo atu ‘iā te ia.”

‘Ua latou iloa le fetū ‘ona matuā tele ai lea o lo latou fiafia.

‘Ua fa‘ailoa ‘iā te i latou i le miti, ‘aua ne‘i fo‘i atu ‘iā Herota, ‘ona latou ō atu ai lea i lo latou nu‘u i le tasi ala. ‘Ua ō i latou fa‘auta o le agelu a le Ali‘i ‘ua fa‘aali mai ‘iā Iosefa i le miti ‘ua fa‘apea mai, “Tula‘i ia, ‘inā ‘ave le tamaitiiti ma lona tinā ma sōsōla i Aikupito, ma nonofo ai se‘ia ‘ou fai atu ‘iā te oe; auā o le a sā‘ili Herota i le tamaitiiti ‘ina ‘ia fasioti ‘iā te ia.”