Popular Bible Verses from Mataio 18

Share

Auā o le mea ‘ua fa‘apotopoto ai se to‘alua, po o se to‘atolu i lo‘u igoa, ‘ou te i ai fa‘atasi ma i latou.”

‘Ou te fai atu fo‘i ‘iā te ‘outou: ‘Āfai e loto gatasi se to‘alua o ‘outou o i le lalolagi, i se mea la te ole atu ai, e faia lea mo i lā‘ua e lo‘u Tamā o i le lagi.

‘Ona vala‘au atu ai lea o Iesu i le tamaitiiti, ‘ua fa‘atū ‘iā te ia i o latou luma, ‘ua fa‘apea atu, “E moni, ‘ou te fai atu ‘iā te ‘outou, a lē liua ‘outou ma ‘avea ‘ia pei o tamaiti, tou te lē sao lava i le mālō o le lagi.

O lenei o sē fa‘amaulalo o ia ‘iā te ia e pei o le tamaitiiti nei, e sili lea i le mālō o le lagi.

‘Ai sē talia se tamaitiiti fa‘apenei ‘ona o lo‘u igoa, ‘ua ia talia a‘u.

“E moni, ‘ou te fai atu ‘iā te ‘outou: O mea uma tou te fusifusia i le lalolagi, e fusifusi ia i le lagi; o mea uma fo‘i tou te tatala i le lalolagi, e tatalaina ia i le lagi.

E fa‘apea fo‘i ‘ona faia ‘iā te ‘outou e lo‘u Tamā o i le lagi, pe ‘āfai tou te lē ta‘itasi ma fa‘amāgalo ma o ‘outou loto ‘atoa i o ‘outou uso.”

“‘Ai sē na te fa‘atausuai se tasi o i latou nei e fa‘atauva‘a o ē fa‘atuatua ‘iā te a‘u, e lelei i lea tagata pe a nonoa se ma‘aolo tele i lona ua, ma fa‘agotoina o ia i le moana loloto.

O le a sa ‘outou manatu i le tagata sā i ai ana mamoe e selau, ‘ae ‘ua leiloa le tasi? Na te lē tu‘ua ‘ea le ivasefulu ma le iva i mauga, ‘ae alu o ia e sā‘ili i le mamoe na leiloa?